ਨਵੀਂ ਦਿੱਲੀ: ਜੇਕਰ ਤੁਸੀਂ ਵੀ ਨੌਕਰੀ ਤੋਂ ਤੰਗ ਆ ਚੁੱਕੇ ਹੋ ਅਤੇ ਆਪਣਾ ਕਾਰੋਬਾਰ ਸ਼ੁਰੂ ਕਰਨ ਬਾਰੇ ਸੋਚ ਰਹੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਹੈ। ਆਮ ਤੌਰ ‘ਤੇ ਲੋਕ ਕਾਰੋਬਾਰ ਦੇ ਨਾਂ ‘ਤੇ ਡੇਅਰੀ ਫਾਰਮ ਜਾਂ ਫੈਕਟਰੀ ਖੋਲ੍ਹਣ ਬਾਰੇ ਸੋਚਦੇ ਹਨ, ਪਰ ਹੁਣ ਤੁਸੀਂ ਗਧੇ ਪਾਲ ਕੇ ਵੀ ਲੱਖਾਂ-ਕਰੋੜਾਂ ਰੁਪਏ ਕਮਾ ਸਕਦੇ ਹੋ। ਕੇਂਦਰ ਸਰਕਾਰ ਨੇ ਗਧਿਆਂ ਦੀ ਘੱਟ ਰਹੀ ਗਿਣਤੀ ਨੂੰ ਦੇਖਦੇ ਹੋਏ ਇਸ ਕਾਰੋਬਾਰ ਲਈ ਵੱਡੀ ਸਬਸਿਡੀ ਦੇਣ ਦਾ ਐਲਾਨ ਕੀਤਾ ਹੈ
ਰਾਸ਼ਟਰੀ ਪਸ਼ੂ ਧਨ ਮਿਸ਼ਨ (NLM) ਤਹਿਤ ਮਿਲੇਗੀ ਮਦਦ
ਕੇਂਦਰ ਸਰਕਾਰ ਦੇ ਨੈਸ਼ਨਲ ਲਾਈਵਸਟਾਕ ਮਿਸ਼ਨ (National Livestock Mission) ਦੇ ਤਹਿਤ ਗਧੇ, ਘੋੜੇ ਅਤੇ ਊਠ ਪਾਲਣ ਲਈ ਉਤਸ਼ਾਹਿਤ ਕੀਤਾ ਜਾ ਰਿਹਾ ਹੈ। ਇਸ ਸਕੀਮ ਤਹਿਤ :
50% ਸਬਸਿਡੀ: ਸਰਕਾਰ ਪ੍ਰੋਜੈਕਟ ਦੀ ਕੁੱਲ ਲਾਗਤ ਦਾ 50 ਫੀਸਦੀ ਹਿੱਸਾ ਸਬਸਿਡੀ ਵਜੋਂ ਦੇਵੇਗੀ।
50 ਲੱਖ ਦੀ ਲਿਮਟ: ਸਬਸਿਡੀ ਦੀ ਵੱਧ ਤੋਂ ਵੱਧ ਰਕਮ 50 ਲੱਖ ਰੁਪਏ ਤੱਕ ਹੋ ਸਕਦੀ ਹੈ। ਉਦਾਹਰਨ ਵਜੋਂ, ਜੇਕਰ ਤੁਹਾਡਾ ਪ੍ਰੋਜੈਕਟ 1 ਕਰੋੜ ਰੁਪਏ ਦਾ ਹੈ, ਤਾਂ ਸਰਕਾਰ ਤੁਹਾਨੂੰ 50 ਲੱਖ ਰੁਪਏ ਦੀ ਵਿੱਤੀ ਸਹਾਇਤਾ ਦੇਵੇਗੀ।
ਕੌਣ ਕਰ ਸਕਦਾ ਹੈ ਅਪਲਾਈ: ਕੋਈ ਵੀ ਵਿਅਕਤੀ, FPO, ਸਵੈ-ਸਹਾਇਤਾ ਸਮੂਹ (SHG), ਅਤੇ ਕੰਪਨੀਆਂ ਇਸ ਸਕੀਮ ਦਾ ਲਾਭ ਲੈ ਸਕਦੀਆਂ ਹਨ
ਕੀ ਹਨ ਸ਼ਰਤਾਂ ਅਤੇ ਨਿਯਮ?
ਯੂਨਿਟ ਦਾ ਆਕਾਰ: ਇੱਕ ਯੂਨਿਟ ਵਿੱਚ ਘੱਟੋ-ਘੱਟ 50 ਮਾਦਾ ਅਤੇ 5 ਨਰ ਗਧੇ ਹੋਣੇ ਲਾਜ਼ਮੀ ਹਨ।
ਸਵਦੇਸ਼ੀ ਨਸਲ: ਇਹ ਸਬਸਿਡੀ ਕੇਵਲ ਭਾਰਤੀ (ਸਵਦੇਸ਼ੀ) ਨਸਲਾਂ ‘ਤੇ ਹੀ ਮਿਲੇਗੀ, ਵਿਦੇਸ਼ੀ ਨਸਲਾਂ ‘ਤੇ ਨਹੀਂ।
ਕਿਵੇਂ ਮਿਲੇਗੀ ਰਕਮ: ਸਬਸਿਡੀ ਦੋ ਕਿਸ਼ਤਾਂ ਵਿੱਚ ਦਿੱਤੀ ਜਾਵੇਗੀ। ਪਹਿਲੀ ਕਿਸ਼ਤ ਬੈਂਕ ਲੋਨ ਪਾਸ ਹੋਣ ‘ਤੇ ਅਤੇ ਦੂਜੀ ਪ੍ਰੋਜੈਕਟ ਮੁਕੰਮਲ ਹੋਣ ਤੋਂ ਬਾਅਦ
ਪਸ਼ੂ ਪਾਲਣ ਲਈ ਹੋਰ ਮਹੱਤਵਪੂਰਨ ਸਰਕਾਰੀ ਸਕੀਮਾਂ
ਸਰਕਾਰ ਗਧਿਆਂ ਤੋਂ ਇਲਾਵਾ ਹੋਰ ਪਸ਼ੂਆਂ ਲਈ ਵੀ ਸ਼ਾਨਦਾਰ ਸਕੀਮਾਂ ਚਲਾ ਰਹੀ ਹੈ:
- ਪਸ਼ੂ ਕਿਸਾਨ ਕ੍ਰੈਡਿਟ ਕਾਰਡ (Pashu KCC):
ਇਸ ਤਹਿਤ ਗਊ, ਮੱਝ, ਭੇਡ-ਬੱਕਰੀ ਅਤੇ ਮੱਛੀ ਪਾਲਣ ਲਈ 1.60 ਲੱਖ ਰੁਪਏ ਤੱਕ ਦਾ ਬਿਨਾਂ ਗਾਰੰਟੀ ਲੋਨ ਮਿਲਦਾ ਹੈ। ਸਮੇਂ ਸਿਰ ਕਿਸ਼ਤਾਂ ਮੋੜਨ ‘ਤੇ ਵਿਆਜ ਵਿੱਚ 3% ਦੀ ਵਾਧੂ ਛੋਟ ਵੀ ਦਿੱਤੀ ਜਾਂਦੀ ਹੈ। - ਰਾਸ਼ਟਰੀ ਗੋਕੁਲ ਮਿਸ਼ਨ (RGM):
ਦੇਸੀ ਨਸਲ ਦੀਆਂ ਗਾਵਾਂ ਅਤੇ ਮੱਝਾਂ ਨੂੰ ਉਤਸ਼ਾਹਿਤ ਕਰਨ ਲਈ ਇਹ ਸਕੀਮ ਚਲਾਈ ਗਈ ਹੈ। ਜੇਕਰ ਤੁਸੀਂ ‘ਬ੍ਰੀਡ ਮਲਟੀਪਲੀਕੇਸ਼ਨ ਫਾਰਮ’ ਸ਼ੁਰੂ ਕਰਦੇ ਹੋ, ਤਾਂ ਸਰਕਾਰ 2 ਕਰੋੜ ਰੁਪਏ ਤੱਕ ਦੀ ਸਬਸਿਡੀ ਦੇ ਸਕਦੀ ਹੈ
