ਦੁਨੀਆ ਦੀ ਡਿਜ਼ਿਟਲ ਦੁਨੀਆ ਵਿੱਚ ਇਕ ਨਵਾਂ ਤੂਫ਼ਾਨ ਖੜ੍ਹਾ ਹੋ ਗਿਆ ਹੈ। Russia ਨੇ ਅਮਰੀਕੀ ਟੈਕ ਕੰਪਨੀ Meta Platforms ਨੂੰ ਤਗੜਾ ਝਟਕਾ ਦਿੰਦਿਆਂ ਉਸਦੇ ਮਸ਼ਹੂਰ ਮੈਸੇਜਿੰਗ ਪਲੇਟਫਾਰਮ WhatsApp ‘ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਹੈ। ਹੁਣ ਰੂਸ ਵਿੱਚ ਵਟਸਐਪ ਦੀ ਘੰਟੀ ਨਹੀਂ ਵੱਜੇਗੀ।
ਕ੍ਰੇਮਲਿਨ ਵੱਲੋਂ ਇਸ ਫੈਸਲੇ ਦੀ ਪੁਸ਼ਟੀ ਕਰਦਿਆਂ ਕਿਹਾ ਗਿਆ ਹੈ ਕਿ ਮੈਟਾ ਰੂਸੀ ਕਾਨੂੰਨਾਂ ਦੀ ਪਾਲਣਾ ਕਰਨ ਵਿੱਚ ਨਾਕਾਮ ਰਹੀ। ਰੂਸੀ ਸਰਕਾਰ ਦੇ ਪ੍ਰਵਕਤਾ Dmitry Peskov ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਕਾਨੂੰਨੀ ਉਲੰਘਣਾ ਕਾਰਨ ਇਹ ਕੜਾ ਕਦਮ ਚੁੱਕਿਆ ਗਿਆ ਹੈ।
ਸਰਕਾਰ ਨੇ ਲੋਕਾਂ ਨੂੰ ਸਥਾਨਕ ਮੈਸੇਜਿੰਗ ਐਪ ‘MAX’ ਦੀ ਵਰਤੋਂ ਕਰਨ ਦੀ ਅਪੀਲ ਕੀਤੀ ਹੈ। ਇਸਨੂੰ ਇੱਕ “ਰਾਸ਼ਟਰੀ ਮੈਸੇਂਜਰ” ਵਜੋਂ ਪੇਸ਼ ਕੀਤਾ ਜਾ ਰਿਹਾ ਹੈ, ਜਿਸ ਰਾਹੀਂ ਸਰਕਾਰੀ ਸੇਵਾਵਾਂ ਅਤੇ ਰੋਜ਼ਾਨਾ ਦੇ ਕੰਮ ਇੱਕ ਹੀ ਪਲੇਟਫਾਰਮ ‘ਤੇ ਉਪਲਬਧ ਹੋਣਗੇ।
ਹਾਲਾਂਕਿ, ਇਸ ਫੈਸਲੇ ਨੇ ਨਵੀਂ ਚਰਚਾ ਵੀ ਛੇੜ ਦਿੱਤੀ ਹੈ। ਆਲੋਚਕਾਂ ਦਾ ਦਾਅਵਾ ਹੈ ਕਿ MAX ਰਾਹੀਂ ਯੂਜ਼ਰਾਂ ਦੀ ਨਿਗਰਾਨੀ ਕੀਤੀ ਜਾ ਸਕਦੀ ਹੈ। ਦੂਜੇ ਪਾਸੇ, ਰੂਸੀ ਅਧਿਕਾਰੀਆਂ ਨੇ ਇਹ ਦੋਸ਼ ਰੱਦ ਕਰਦਿਆਂ ਕਿਹਾ ਹੈ ਕਿ ਐਪ ਦਾ ਮਕਸਦ ਨਾਗਰਿਕਾਂ ਲਈ ਸਹੂਲਤਾਂ ਨੂੰ ਆਸਾਨ ਬਣਾਉਣਾ ਹੈ, ਨਾ ਕਿ ਉਨ੍ਹਾਂ ਦੀ ਜਾਸੂਸੀ ਕਰਨੀ।
ਰੂਸ ਦੇ ਇਸ ਫੈਸਲੇ ਨਾਲ ਇੱਕ ਵਾਰ ਫਿਰ ਸਵਾਲ ਖੜ੍ਹੇ ਹੋ ਗਏ ਹਨ—ਕੀ ਇਹ ਡਾਟਾ ਸੁਰੱਖਿਆ ਦੀ ਲੜਾਈ ਹੈ ਜਾਂ ਡਿਜ਼ਿਟਲ ਕਬਜ਼ੇ ਦੀ ਸ਼ੁਰੂਆਤ? ਦੁਨੀਆ ਦੀ ਨਜ਼ਰ ਹੁਣ ਇਸ ਨਵੇਂ ਡਿਜ਼ਿਟਲ ਮੋਰਚੇ ‘ਤੇ ਟਿਕੀ ਹੋਈ ਹੈ।
