ਜੇਕਰ ਤੁਸੀਂ ਵੀ ਕਿਤੇ ਬਾਹਰ ਘੁੰਮਣ ਜਾਣ ਦੀ ਤਿਆਰੀ ਕਰ ਰਹੇ ਹੋ, ਤਾਂ ਆਪਣਾ ਬੈਗ ਪੈਕ ਕਰ ਲਓ! ਪੰਜਾਬ ਵਿੱਚ ਮਾਰਚ ਦਾ ਇਹ ਹਫਤਾ ਖੁਸ਼ੀਆਂ ਅਤੇ ਆਰਾਮ ਦੀ ਸੌਗਾਤ ਲੈ ਕੇ ਆਇਆ ਹੈ। ਸੂਬੇ ਦੇ ਵਿਦਿਆਰਥੀਆਂ ਅਤੇ ਸਰਕਾਰੀ ਮੁਲਾਜ਼ਮਾਂ ਲਈ ਇਹ ਕਿਸੇ ਤੋਹਫੇ ਤੋਂ ਘੱਟ ਨਹੀਂ ਹੈ ਕਿਉਂਕਿ ਆਉਣ ਵਾਲੇ ਦਿਨਾਂ ਵਿੱਚ ਕੰਮ-ਕਾਜ ਤੋਂ ਲਗਾਤਾਰ ਤਿੰਨ ਦਿਨਾਂ ਦਾ ਵੱਡਾ ਬ੍ਰੇਕ ਮਿਲਣ ਜਾ ਰਿਹਾ ਹੈ।
ਛੁੱਟੀਆਂ ਦਾ ਪੂਰਾ ਵੇਰਵਾ
ਇਹ ਲੰਬਾ ਵੀਕਐਂਡ ਸ਼ਨੀਵਾਰ ਤੋਂ ਸ਼ੁਰੂ ਹੋ ਕੇ ਸੋਮਵਾਰ ਤੱਕ ਚੱਲੇਗਾ। ਜਾਣੋ ਕਿਹੜੇ ਦਿਨ ਕੀ ਹੈ ਖਾਸ:
- 21 ਮਾਰਚ (ਸ਼ਨੀਵਾਰ): ਇਸ ਦਿਨ ਈਦ ਦੇ ਪਵਿੱਤਰ ਤਿਉਹਾਰ ਮੌਕੇ ਪੂਰੇ ਸੂਬੇ ਵਿੱਚ ਸਰਕਾਰੀ ਛੁੱਟੀ ਰਹੇਗੀ। ਵਿਦਿਅਕ ਅਦਾਰੇ ਅਤੇ ਸਰਕਾਰੀ ਦਫ਼ਤਰ ਪੂਰੀ ਤਰ੍ਹਾਂ ਬੰਦ ਰਹਿਣਗੇ।
- 22 ਮਾਰਚ (ਐਤਵਾਰ): ਹਫਤਾਵਾਰੀ ਛੁੱਟੀ ਹੋਣ ਕਾਰਨ ਦੂਜੇ ਦਿਨ ਵੀ ਮੌਜ-ਮਸਤੀ ਜਾਰੀ ਰਹੇਗੀ।
- 23 ਮਾਰਚ (ਸੋਮਵਾਰ): ਦੇਸ਼ ਦੇ ਮਹਾਨ ਸਪੂਤਾਂ, ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ, ਸੁਖਦੇਵ ਅਤੇ ਰਾਜਗੁਰੂ ਦੇ ਸ਼ਹੀਦੀ ਦਿਵਸ ਨੂੰ ਸਮਰਪਿਤ ਸਰਕਾਰ ਵੱਲੋਂ ਜਨਤਕ ਛੁੱਟੀ ਦਾ ਐਲਾਨ ਕੀਤਾ ਗਿਆ ਹੈ।
ਬੱਚਿਆਂ ਲਈ ਸੁਨਹਿਰੀ ਮੌਕਾ
ਇਨ੍ਹਾਂ ਲਗਾਤਾਰ ਛੁੱਟੀਆਂ ਦਾ ਸੱਭ ਤੋਂ ਵੱਧ ਫਾਇਦਾ ਸਕੂਲੀ ਬੱਚਿਆਂ ਨੂੰ ਹੋਵੇਗਾ, ਜਿਨ੍ਹਾਂ ਨੂੰ ਪੜ੍ਹਾਈ ਦੇ ਬੋਝ ਤੋਂ 72 ਘੰਟਿਆਂ ਦੀ ਵੱਡੀ ਰਾਹਤ ਮਿਲੇਗੀ। ਪਰਿਵਾਰਾਂ ਕੋਲ ਹੁਣ ਸਮਾਂ ਹੈ ਕਿ ਉਹ ਇਸ ਵਿਹਲੇ ਸਮੇਂ ਨੂੰ ਯਾਦਗਾਰ ਬਣਾਉਣ ਲਈ ਕਿਸੇ ਛੋਟੀ ਯਾਤਰਾ ਜਾਂ ਪਿਕਨਿਕ ਦਾ ਪ੍ਰੋਗਰਾਮ ਉਲੀਕ ਸਕਣ।
