ਮੱਧ ਪ੍ਰਦੇਸ਼ : ਫਿਲਮ ਸ਼ੋਲੇ ਦੀ ਤਰ੍ਹਾਂ ਤੁਸੀਂ ਕਈ ਵਾਰ ਲੜਕੇ ਨੂੰ ਆਪਣੀ ਪ੍ਰੇਮਿਕਾ ਲਈ ਟੈਂਕੀ ‘ਤੇ ਚੜ੍ਹਦੇ ਦੇਖਿਆ ਹੋਵੇਗਾ ਪਰ ਅੱਜ ਮੱਧ ਪ੍ਰਦੇਸ਼ ‘ਚ ਇਕ ਅਜੀਬ ਮਾਮਲਾ ਸੁਣਨ ਨੂੰ ਮਿਲਿਆ। ਦਰਅਸਲ, ਸੂਬੇ ਦੇ ਸ਼ਿਵਪੁਰੀ ਜ਼ਿਲੇ ‘ਚ ਇਕ ਔਰਤ ਆਪਣੇ ਪ੍ਰੇਮੀ ਨੂੰ ਬੁਲਾਉਣ ਲਈ ਟਾਵਰ ‘ਤੇ ਚੜ੍ਹ ਗਈ। ਕਰੀਬ ਸਾਡੇ 3 ਘੰਟੇ ਦੇ ਹਾਈ ਵੋਲਟੇਜ ਡਰਾਮੇ ਬਾਅਦ ਉਸ ਨੂੰ ਹੇਠਾਂ ਲਿਆਂਦਾ ਗਿਆ। ਪੁਲਿਸ, ਐਸਡੀਆਰਐਫ ਅਤੇ ਪਲਟੂਨ ਕਮਾਂਡਰ ਦੀ ਅਗਵਾਈ ਹੇਠ 9 ਮੈਂਬਰੀ ਟੀਮ ਮੌਕੇ ‘ਤੇ ਮੌਜੂਦ ਸੀ।
ਘਟਨਾ ਪੰਘਾਟਾ ਪਿੰਡ ਦੀ ਹੈ, ਜਿੱਥੇ ਇਕ ਵਿਆਹੁਤਾ ਮਹਿਲਾ ਅਤੇ 2 ਬੱਚਿਆਂ ਦੀ ਮਾਂ ਬਿਜਲੀ ਘਰ ਦੇ ਟਾਵਰ ‘ਤੇ ਚੜ੍ਹ ਗਈ। ਪੁਲਿਸ ਨੇ ਦੱਸਿਆ ਕਿ ਔਰਤ ਲਗਾਤਾਰ ਜਤਿੰਦਰ ਨਾਂ ਦੇ ਵਿਅਕਤੀ ਨੂੰ ਬੁਲਾਉਣ ਦੀ ਮੰਗ ਕਰ ਰਹੀ ਸੀ। ਇਸ ਦੌਰਾਨ ਮਗਰੌਣੀ ਚੌਕੀ ਦੇ ਇੰਚਾਰਜ ਚੇਤਨ ਸ਼ਰਮਾ ਨੇ ਮਹਿਲਾ ਨੂੰ ਹੇਠਾਂ ਉਤਰਨ ਲਈ ਕਿਹਾ। ਤਹਿਸੀਲਦਾਰ ਨੇ ਵੀ ਉਸ ਨੂੰ ਸਮਝਾਇਆ, ਪਰ ਉਸ ਨੇ ਸਾਫ਼ ਇਨਕਾਰ ਕਰ ਦਿੱਤਾ।
ਕਾਫੀ ਸਮਝਾਉਣ ਤੋਂ ਬਾਅਦ ਉਹ ਸਾਢੇ ਤਿੰਨ ਘੰਟੇ ਬਾਅਦ ਹੇਠਾਂ ਆਉਣ ਲਈ ਮੰਨ ਗਿਆ।ਪੁਲਿਸ ਨੇ ਦੱਸਿਆ ਕਿ ਔਰਤ ਆਪਣੇ ਪਤੀ ਨਾਲ ਝਗੜੇ ਤੋਂ ਬਾਅਦ ਨਾਨਕੇ ਘਰ ਪੰਘਾਟਾ ‘ਚ ਰਹਿ ਰਹੀ ਸੀ। ਔਰਤ ਚਾਹੁੰਦੀ ਹੈ ਕਿ ਪਤੀ ਉਸ ਦੇ ਵੱਡੇ ਪੁੱਤਰ ਨੂੰ ਆਪਣੇ ਕੋਲ ਰੱਖੇ ਅਤੇ ਛੋਟਾ ਪੁੱਤਰ ਉਸ ਨੂੰ ਦੇ ਦੇਵੇ। ਉਹ ਆਪਣੇ ਪ੍ਰੇਮੀ ਜਤਿੰਦਰ ਨਾਲ ਰਹਿਣਾ ਚਾਹੁੰਦੀ ਹੈ। ਇਹ ਗੱਲ ਲਿਖਤੀ ਰੂਪ ਵਿੱਚ ਲੈ ਕੇ ਹੀ ਉਹ ਹੇਠਾਂ ਆਉਣ ਲਈ ਰਾਜ਼ੀ ਹੋ ਗਈ।
