ਕੀ ਸਿਆਸਤ ਦੇ 'ਬਾਦਸ਼ਾਹ' ਬਣਨਗੇ ਰੈਪਰ ਬਾਦਸ਼ਾਹ? ਸੀਐਮ ਯੋਗੀ ਨਾਲ ਮੁਲਾਕਾਤ ਮਗਰੋਂ ਹੋ ਰਹੀ ਚਰਚਾ

ਗੋਰਖਪੁਰ: ਬਾਲੀਵੁੱਡ ਦੇ ਮਸ਼ਹੂਰ ਗਾਇਕ ਅਤੇ ਰੈਪਰ ਬਾਦਸ਼ਾਹ ਨੇ ਮੰਗਲਵਾਰ ਦੇਰ ਸ਼ਾਮ ਗੋਰਖਨਾਥ ਮੰਦਰ ਵਿਖੇ ਮੱਥਾ ਟੇਕਿਆ। ਇਸ ਦੌਰਾਨ ਉਨ੍ਹਾਂ ਨੇ ਮਹਾਯੋਗੀ ਗੁਰੂ ਗੋਰਖਨਾਥ ਜੀ ਦੀ ਪੂਜਾ-ਅਰਚਨਾ ਕੀਤੀ ਅਤੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਅਤੇ ਯੋਗੀ ਆਦਿੱਤਿਆਨਾਥ ਨਾਲ ਮੁਲਾਕਾਤ ਵੀ ਕੀਤੀ

ਪੇਸ਼ਕਾਰੀ ਤੋਂ ਪਹਿਲਾਂ ਲਿਆ ਆਸ਼ੀਰਵਾਦ
ਗੋਰਖਪੁਰ ਮਹੋਤਸਵ ਦੇ ਸਮਾਪਤੀ ਸਮਾਰੋਹ ਵਿੱਚ ‘Bollywood Night’ ਦੌਰਾਨ ਆਪਣੀ ਪੇਸ਼ਕਾਰੀ ਦੇਣ ਆਏ ਬਾਦਸ਼ਾਹ ਸਭ ਤੋਂ ਪਹਿਲਾਂ ਮੰਦਰ ਪਹੁੰਚੇ। ਉਨ੍ਹਾਂ ਨੇ ਸ਼ਿਵਾਵਤਾਰ ਗੁਰੂ ਗੋਰਖਨਾਥ ਦੇ ਦਰਬਾਰ ਵਿੱਚ ਵਿਧੀ-ਵਿਧਾਨ ਨਾਲ ਪੂਜਾ ਕੀਤੀ। ਮੰਦਰ ਵਿੱਚ ਦਰਸ਼ਨਾਂ ਤੋਂ ਬਾਅਦ ਉਨ੍ਹਾਂ ਨੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨਾਲ ਮੁਲਾਕਾਤ ਕੀਤੀ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਕਾਫੀ ਚਰਚਾ ਵਿੱਚ ਹਨ

ਗੋਰਖਪੁਰ ਮਹੋਤਸਵ ‘ਚ ਲੱਗੀਆਂ ਰੌਣਕਾਂ
ਮੰਗਲਵਾਰ ਨੂੰ ਮਹੋਤਸਵ ਦੇ ਰਸਮੀ ਸਮਾਪਤੀ ਵਾਲੇ ਦਿਨ ਬਾਦਸ਼ਾਹ ਨੇ ਆਪਣੇ ਹਿੱਟ ਗੀਤਾਂ ਨਾਲ ਦਰਸ਼ਕਾਂ ਨੂੰ ਨੱਚਣ ਲਈ ਮਜਬੂਰ ਕਰ ਦਿੱਤਾ। ਆਪਣੀ ਪੇਸ਼ਕਾਰੀ ਤੋਂ ਪਹਿਲਾਂ ਮੰਦਰ ਵਿੱਚ ਮੱਥਾ ਟੇਕਣ ਅਤੇ ਸੀਐਮ ਯੋਗੀ ਨਾਲ ਮੁਲਾਕਾਤ ਕਰਨ ਦੇ ਉਨ੍ਹਾਂ ਦੇ ਅੰਦਾਜ਼ ਦੀ ਪ੍ਰਸ਼ੰਸਕਾਂ ਵੱਲੋਂ ਕਾਫੀ ਸ਼ਲਾਘਾ ਕੀਤੀ ਜਾ ਰਹੀ ਹੈ

ਮੰਦਰ ਦਾ ਪ੍ਰਸਾਦ ਗ੍ਰਹਿਣ ਕਰਕੇ ਹੋਏ ਰਵਾਨਾ
ਮੁੱਖ ਮੰਤਰੀ ਨਾਲ ਮੁਲਾਕਾਤ ਦੌਰਾਨ ਬਾਦਸ਼ਾਹ ਨੇ ਮੰਦਰ ਦਾ ਪ੍ਰਸਾਦ ਗ੍ਰਹਿਣ ਕੀਤਾ। ਇਸ ਸ਼ਿਸ਼ਟਾਚਾਰ ਭੇਂਟ ਤੋਂ ਬਾਅਦ ਉਹ ਸਿੱਧਾ ਗੋਰਖਪੁਰ ਮਹੋਤਸਵ ਦੇ ਮੰਚ ‘ਤੇ ਆਪਣੀ ਪੇਸ਼ਕਾਰੀ ਦੇਣ ਲਈ ਰਵਾਨਾ ਹੋਏ। ਦੱਸਣਯੋਗ ਹੈ ਕਿ ਬਾਦਸ਼ਾਹ ਦੀ ਮੌਜੂਦਗੀ ਕਾਰਨ ਮਹੋਤਸਵ ਵਿੱਚ ਭਾਰੀ ਭੀੜ ਦੇਖਣ ਨੂੰ ਮਿਲੀ

ਤੁਹਾਨੂੰ ਦੱਸਦੀਏ ਬਾਦਸ਼ਾਹ ਅੱਜ ਗੋਰਖਪੁਰ ਦੌਰੇ ਤੇ ਅੱਜ ਉਨ੍ਹਾਂ ਨੇ ਇਥੇ ਪੇਸ਼ਕਾਰੀ ਕਰਨੀ ਸੀ ਤੇ ਇਸੇ ਦੌਰਾਨ ਉਨ੍ਹਾਂ CM ਯੋਗੀ ਨਾਲ ਮੁਲਾਕਾਤ ਵੀ ਕੀਤੀ