ਬਾਰਾਮਤੀ: ਮਹਾਰਾਸ਼ਟਰ ਦੀ ਰਾਜਨੀਤੀ ਲਈ ਅੱਜ ਦਾ ਦਿਨ ਬੇਹੱਦ ਮੰਦਭਾਗਾ ਸਾਬਤ ਹੋਇਆ। ਸੂਬੇ ਦੇ ਉਪ-ਮੁੱਖ ਮੰਤਰੀ ਅਜੀਤ ਪਵਾਰ ਦਾ ਇੱਕ ਚਾਰਟਰਡ ਜਹਾਜ਼ ਹਾਦਸੇ ਵਿੱਚ ਦਿਹਾਂਤ ਹੋ ਗਿਆ ਹੈ। ਨਾਗਰਿਕ ਉੱਡਣ ਮੰਤਰਾਲੇ (Ministry of Civil Aviation) ਨੇ ਇਸ ਦਰਦਨਾਕ ਹਾਦਸੇ ਸਬੰਧੀ ਇੱਕ ਵਿਸਤ੍ਰਿਤ ਰਿਪੋਰਟ ਜਾਰੀ ਕੀਤੀ ਹੈ, ਜਿਸ ਵਿੱਚ ਹਾਦਸੇ ਤੋਂ ਪਹਿਲਾਂ ਦੇ ਆਖ਼ਰੀ ਪਲਾਂ ਦਾ ਮਿੰਟ-ਦਰ-ਮਿੰਟ ਵੇਰਵਾ ਦਿੱਤਾ ਗਿਆ
ਵਿਮਾਨ ਮੰਤਰੀ ਵੱਲੋਂ ਸਾਂਝੀ ਕੀਤੀ ਗਈ ਅਹਿਮ ਜਾਣਕਾਰੀ:
ਰਾਮਮੋਹਨ ਨਾਇਡੂ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਹਾਦਸੇ ਤੋਂ ਪਹਿਲਾਂ ਦੇ ਆਖ਼ਰੀ ਪਲਾਂ ਦਾ ਵੇਰਵਾ ਦਿੱਤਾ:
ਵਿਜ਼ੀਬਿਲਟੀ ਦੀ ਸਮੱਸਿਆ: ਮੰਤਰੀ ਨੇ ਦੱਸਿਆ ਕਿ ਸਵੇਰੇ ਕਰੀਬ 8:40 ਵਜੇ ਜਦੋਂ ਜਹਾਜ਼ ਲੈਂਡਿੰਗ ਦੀ ਕੋਸ਼ਿਸ਼ ਕਰ ਰਿਹਾ ਸੀ, ਤਾਂ ਧੁੰਦ ਜਾਂ ਖ਼ਰਾਬ ਮੌਸਮ ਕਾਰਨ ਦੇਖਣ ਦੀ ਸਮਰੱਥਾ (Visibility) ਬੇਹੱਦ ਘੱਟ ਸੀ।
ਪਾਇਲਟ ਅਤੇ ATC ਵਿਚਾਲੇ ਗੱਲਬਾਤ: ਪਹਿਲੀ ਕੋਸ਼ਿਸ਼ ਦੌਰਾਨ ਪਾਇਲਟ ਨੇ ਬਾਰਾਮਤੀ ਏਅਰ ਟ੍ਰੈਫਿਕ ਕੰਟਰੋਲ (ATC) ਨੂੰ ਦੱਸਿਆ ਸੀ ਕਿ ਉਨ੍ਹਾਂ ਨੂੰ ਰਨਵੇ ਦਿਖਾਈ ਨਹੀਂ ਦੇ ਰਿਹਾ। ਇਸ ਕਾਰਨ ਜਹਾਜ਼ ਨੇ ਰਨਵੇ ਦੇ ਉੱਪਰ ਚੱਕਰ ਲਗਾਇਆ।
ਲੈਂਡਿੰਗ ਦੀ ਕਲੀਅਰੈਂਸ: ਪਾਇਲਟ ਨੇ ਦੂਜੀ ਵਾਰ ਕੋਸ਼ਿਸ਼ ਕੀਤੀ, ਪਰ ਉਸ ਸਮੇਂ ਵੀ ਸਫਲਤਾ ਨਹੀਂ ਮਿਲੀ। ਕੁਝ ਸਮੇਂ ਬਾਅਦ, ਪਾਇਲਟਾਂ ਨੇ ATC ਨੂੰ ਸੂਚਿਤ ਕੀਤਾ ਕਿ ਹੁਣ “ਰਨਵੇ ਸਾਫ਼ ਦਿਖਾਈ ਦੇ ਰਿਹਾ ਹੈ”। ਇਸ ਪੁਸ਼ਟੀ ਤੋਂ ਬਾਅਦ ਹੀ ATC ਨੇ ਲੈਂਡਿੰਗ ਦੀ ਇਜਾਜ਼ਤ (Clearance) ਦਿੱਤੀ ਸੀ
ਰਿਪੋਰਟ ਮੁਤਾਬਕ ਪਾਇਲਟ ਨੇ ਦੂਜੀ ਵਾਰ ਲੈਂਡਿੰਗ ਦੀ ਕੋਸ਼ਿਸ਼ ਕੀਤੀ। ਸਵੇਰੇ 08:43 ਵਜੇ ਪਾਇਲਟ ਨੇ ਰਨਵੇ ਦਿਖਾਈ ਦੇਣ ਦੀ ਪੁਸ਼ਟੀ ਕੀਤੀ, ਜਿਸ ਤੋਂ ਬਾਅਦ ATC ਨੇ ਲੈਂਡਿੰਗ ਦੀ ਇਜਾਜ਼ਤ ਦੇ ਦਿੱਤੀ। ਪਰ ਇਸ ਤੋਂ ਬਾਅਦ ਪਾਇਲਟ ਵੱਲੋਂ ਕੋਈ ਜਵਾਬ ਨਹੀਂ ਆਇਆ।
ਠੀਕ ਇੱਕ ਮਿੰਟ ਬਾਅਦ, 08:44 ਵਜੇ, ਹਵਾਈ ਅੱਡੇ ਦੇ ਸਟਾਫ਼ ਨੇ ਰਨਵੇ-11 ਦੇ ਨੇੜੇ ਅੱਗ ਦੀਆਂ ਲਪਟਾਂ ਦੇਖੀਆਂ। ਜਹਾਜ਼ ਦਾ ਮਲਬਾ ਰਨਵੇ ਦੇ ਖੱਬੇ ਪਾਸੇ ਖਿੱਲਰਿਆ ਹੋਇਆ ਮਿਲਿਆ
#googlenews #ajitpawar #deputycm #deputycmplanecrash #Breakingnews #googletrendingnews
