ਹਰਿਆਣਾ ਦੇ ਰੇਵਾੜੀ ਵਿੱਚ ਇੱਕ ਵਿਆਹ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਇਸ ਵਿਆਹ ਵਿੱਚ ਲਾੜਾ ਲਾੜੀ ਨੂੰ ਲੈਣ ਲਈ ਹੈਲੀਕਾਪਟਰ ਰਾਹੀਂ ਪਹੁੰਚਿਆ। ਲੜਕੀ ਪੱਖ ਦਾ ਕਹਿਣਾ ਹੈ ਕਿ ਲੜਕਾ ਆਪਣੀ ਦੁਲਹਨ ਨੂੰ ਹੈਲੀਕਾਪਟਰ ‘ਚ ਲੈ ਕੇ ਜਾਣਾ ਚਾਹੁੰਦਾ ਸੀ।
ਰੇਵਾੜੀ ਜ਼ਿਲ੍ਹੇ ਦੇ ਪਿੰਡ ਗੁਰਜਰ ਘਟਾਲ ਵਿੱਚ ਸਮਾਜ ਸੇਵੀ ਅਤੇ ਅਗਾਂਹਵਧੂ ਕਿਸਾਨ ਉਦੈਵੀਰ ਪਟੇਲ ਦੀ ਧੀ ਦਾ ਵਿਆਹ ਸੀ। ਪ੍ਰਿਆ ਕੁਮਾਰੀ ਦਾ ਵਿਆਹ ਗੁਰੂਗ੍ਰਾਮ ਜ਼ਿਲ੍ਹੇ ਦੇ ਪਿੰਡ ਬਾਰ ਗੁਰਜਰ ਦੇ ਵਾਸੀ ਰਾਮਬੀਰ ਸਰਪੰਚ ਦੇ ਪੁੱਤਰ ਯੋਗੇਸ਼ ਨਾਲ ਹੋਇਆ।
