ਮੁੰਬਈ- ਮਹਾਰਾਸ਼ਟਰ ਦੇ ਠਾਣੇ ਜ਼ਿਲ੍ਹੇ ਦੇ ਬਾਲਕੁਮ ਇਲਾਕੇ ਵਿੱਚ ਇੱਕ ਦਿਲ ਨੂੰ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਲਿਫਟ ਡਿੱਗਣ ਕਾਰਨ ਸੱਤ ਲੋਕਾਂ ਦੀ ਮੌਤ ਹੋ ਗਈ। ਹਾਦਸੇ ‘ਚ ਜ਼ਖਮੀਆਂ ਨੂੰ ਨੇੜੇ ਦੇ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਹੈ। ਠਾਣੇ ਨਗਰ ਨਿਗਮ ਦੇ ਅਧਿਕਾਰੀਆਂ ਮੁਤਾਬਕ ਲਿਫਟ ਵਿੱਚ ਕੁੱਲ ਸੱਤ ਮਜ਼ਦੂਰ ਸਵਾਰ ਸਨ ਅਤੇ ਉਨ੍ਹਾਂ ਸਾਰਿਆਂ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ ਹੈ।
ਦੱਸ ਦੇਈਏ ਕਿ ਬੀਤੇ ਐਤਵਾਰ ਸ਼ਾਮ ਨੂੰ ਠਾਣੇ ਦੇ ਬਾਲਕਾਮ ਇਲਾਕੇ ‘ਚ 40 ਮੰਜ਼ਿਲਾ ਇਮਾਰਤ ਦੀ ਲਿਫਟ ਅੰਡਰਗ੍ਰਾਉਂਡ 3 ਮੰਜ਼ਿਲਾ ਬੇਸਮੈਂਟ ‘ਚ ਡਿੱਗ ਗਈ ਸੀ। ਪੁਲਿਸ ਮੁਤਾਬਕ ਇਹ ਘਟਨਾ ਸਵੇਰੇ 5.30 ਤੋਂ 6.45 ਵਜੇ ਦੇ ਦਰਮਿਆਨ ਠਾਣੇ ਸ਼ਹਿਰ ਦੇ ਰੁਨਵਾਲ ਕੰਪਲੈਕਸ ਨਾਮ ਦੀ ਇਮਾਰਤ ਵਿੱਚ ਵਾਪਰੀ। ਪੁਲਿਸ ਨੇ ਦੱਸਿਆ ਕਿ ਇਮਾਰਤ ਦੀ ਛੱਤ ‘ਤੇ ਵਾਟਰਪਰੂਫਿੰਗ ਦਾ ਕੰਮ ਚੱਲ ਰਿਹਾ ਸੀ ਅਤੇ ਹਾਦਸਾ ਲਿਫਟ ਦੀ ਰੱਸੀ ਟੁੱਟਣ ਕਾਰਨ ਵਾਪਰਿਆ ਹੈ। ਹਾਦਸੇ ਦੇ ਸਮੇਂ ਜ਼ਖਮੀ ਕਰਮਚਾਰੀ ਲਿਫਟ ਤੋਂ ਹੇਠਾਂ ਆ ਰਹੇ ਸਨ।
