ਚੰਡੀਗੜ੍ਹ: ਨਗਰ ਨਿਗਮ ਨੇ ਦੋਪਹੀਆ ਵਾਹਨ ਚਾਲਕਾਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਦਰਅਸਲ, ਨਗਰ ਨਿਗਮ ਹਾਊਸ ਨੇ ਕਿਸੇ ਵੀ ਸ਼ਹਿਰ ਵਿੱਚ ਦੋਪਹੀਆ ਵਾਹਨਾਂ ਦੇ ਨਾਲ-ਨਾਲ ਇਲੈਕਟ੍ਰਿਕ ਦੋਪਹੀਆ ਅਤੇ ਚਾਰ ਪਹੀਆ ਵਾਹਨਾਂ ਲਈ 91 ਸਮਾਰਟ ਪੇਡ ਪਾਰਕਿੰਗ ਸਥਾਨਾਂ ਵਿੱਚ ਮੁਫਤ ਪਾਰਕਿੰਗ ਦੀ ਮਨਜ਼ੂਰੀ ਦਿੱਤੀ ਹੈ। ਹਾਲਾਂਕਿ ਕਾਰ ਪਾਰਕਿੰਗ ਦੁੱਗਣੀ ਕਰ ਦਿੱਤੀ। ਟ੍ਰਾਈਸਿਟੀ ਤਹਿਤ ਚੰਡੀਗੜ੍ਹ, ਪੰਚਕੂਲਾ ਅਤੇ ਮੋਹਾਲੀ ਨੂੰ ਛੱਡ ਕੇ ਹਰ ਸ਼ਹਿਰ ਵਿੱਚ ਇਹ ਨਿਯਮ ਲਾਗੂ ਹੋਣਗੇ।
ਫਾਸਟੈਗ ਲਾਟ ਦੇ ਚਾਲੂ ਹੋਣ ਤੋਂ ਬਾਅਦ ਮੁਫਤ ਸਹੂਲਤ, ਨਵੀਆਂ ਦਰਾਂ
ਦੱਸ ਦੇਈਏ ਕਿ ਇਹ ਸਾਰੀਆਂ ਪ੍ਰਵਾਨਿਤ ਦਰਾਂ 91 ਪਾਰਕਿੰਗ ਥਾਵਾਂ ‘ਤੇ FASTag-ਅਧਾਰਿਤ ਸਮਾਰਟ ਪਾਰਕਿੰਗ ਪ੍ਰਣਾਲੀ ਸਥਾਪਤ ਹੋਣ ਤੋਂ ਬਾਅਦ ਲਾਗੂ ਹੋਣਗੀਆਂ। ਉਦੋਂ ਤੱਕ, ਦੋਪਹੀਆ ਵਾਹਨਾਂ ਲਈ 7 ਰੁਪਏ ਅਤੇ ਕਾਰਾਂ ਲਈ 14 ਰੁਪਏ ਦੇ ਮੌਜੂਦਾ ਫਲੈਟ ਰੇਟ ਜਾਰੀ ਰਹਿਣਗੇ। ਇਸ ਤੋਂ ਇਲਾਵਾ ਇਲੈਕਟ੍ਰਿਕ ਦੋ ਪਹੀਆ ਵਾਹਨ ਅਤੇ ਚਾਰ ਪਹੀਆ ਵਾਹਨਾਂ ਨੂੰ ਵੀ ਪਾਰਕਿੰਗ ਫੀਸ ਤੋਂ ਛੋਟ ਦਿੱਤੀ ਜਾਵੇਗੀ, ਜੋ ਕਿ ਉਨ੍ਹਾਂ ਨੂੰ 2027 ਤੱਕ ਮਿਲੇਗੀ।
ਗੈਰ-ਵਪਾਰਕ ਕਾਰ ਪਾਰਕਿੰਗ ਸਾਰੀਆਂ ਪਾਰਕਿੰਗ ਥਾਵਾਂ ‘ਤੇ ਪਹਿਲੇ 15 ਮਿੰਟਾਂ ਲਈ ਮੁਫਤ ਹੋਵੇਗੀ। 15 ਮਿੰਟ ਬਾਅਦ 4 ਘੰਟੇ ਲਈ 15 ਰੁਪਏ ਅਤੇ 4 ਤੋਂ 8 ਘੰਟੇ ਤੱਕ ਪਾਰਕਿੰਗ ਲਈ 20 ਰੁਪਏ ਵਸੂਲੇ ਜਾਣਗੇ। ਇਸ ਤੋਂ ਬਾਅਦ 10 ਰੁਪਏ ਪ੍ਰਤੀ ਘੰਟਾ ਚਾਰਜ ਕੀਤਾ ਜਾਵੇਗਾ। ਮਲਟੀਪਲ ਐਂਟਰੀਆਂ ਲਈ 12 ਘੰਟਿਆਂ ਲਈ 50 ਰੁਪਏ ਪਾਸ ਦਾ ਵਿਕਲਪ ਹੋਵੇਗਾ। ਇਸ ਦੇ ਨਾਲ ਹੀ ਕਮਰਸ਼ੀਅਲ ਵਾਹਨਾਂ ਲਈ ਵੱਖਰੇ ਰੇਟ ਹੋਣਗੇ।
