ਦੁਬਈ : ਅਮਰੀਕਾ ਅਤੇ ਇਰਾਨ ਦੇ ਵਿਚਕਾਰ ਚੱਲ ਰਹੀ ਜੰਗ ਦਾ ਅਸਰ ਹੁਣ ਆਮ ਲੋਕਾਂ ‘ਤੇ ਪੈਣਾ ਸ਼ੁਰੂ ਹੋ ਗਿਆ ਹੈ। ਇਰਾਨ ਵੱਲੋਂ ਸੰਯੁਕਤ ਅਰਬ ਅਮੀਰਾਤ (UAE) ‘ਤੇ ਕੀਤੇ ਗਏ ਭਿਆਨਕ ਮਿਜ਼ਾਈਲ ਹਮਲਿਆਂ ਕਾਰਨ ਦੁਬਈ ਹਵਾਈ ਅੱਡਾ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤਾ ਗਿਆ ਹੈ। ਇਸ ਦੌਰਾਨ ਬਠਿੰਡਾ ਦੇ SSD ਗਰਲਜ਼ ਕਾਲਜ ਦੀ ਪ੍ਰਿੰਸੀਪਲ ਡਾ. ਨੀਰੂ ਗਰਗ ਆਪਣੇ ਪਰਿਵਾਰ ਸਮੇਤ ਦੁਬਈ ਵਿੱਚ ਫਸ ਗਏ ਹਨ। ਉਨ੍ਹਾਂ ਨੇ ਇੱਕ ਵੀਡੀਓ ਜਾਰੀ ਕਰਕੇ ਭਾਰਤ ਸਰਕਾਰ ਨੂੰ ਤੁਰੰਤ ਮਦਦ ਦੀ ਗੁਹਾਰ ਲਗਾਈ ਹੈ।
20 ਕਿਲੋਮੀਟਰ ਪੈਦਲ ਚੱਲ ਕੇ ਪਹੁੰਚੇ ਹੋਟਲ
ਡਾ. ਨੀਰੂ ਗਰਗ ਨੇ ਦੱਸਿਆ ਕਿ ਉਹ 23 ਫਰਵਰੀ ਨੂੰ ਪਰਿਵਾਰ ਨਾਲ ਦੁਬਈ ਘੁੰਮਣ ਗਏ ਸਨ ਅਤੇ 28 ਫਰਵਰੀ (ਸ਼ਨੀਵਾਰ) ਨੂੰ ਉਨ੍ਹਾਂ ਦੀ ਵਾਪਸੀ ਸੀ। ਜਦੋਂ ਉਹ ਸ਼ਨੀਵਾਰ ਸਵੇਰੇ 11 ਵਜੇ ਏਅਰਪੋਰਟ ਪਹੁੰਚੇ, ਤਾਂ ਅਚਾਨਕ ਹਵਾਈ ਅੱਡਾ ਬੰਦ ਕਰਨ ਦਾ ਐਲਾਨ ਕਰ ਦਿੱਤਾ ਗਿਆ। ਭਾਰਤੀ ਦੂਤਾਵਾਸ (Embassy) ਵੀ ਬੰਦ ਹੋਣ ਕਾਰਨ ਉਨ੍ਹਾਂ ਨੂੰ ਕੋਈ ਮਦਦ ਨਹੀਂ ਮਿਲੀ। ਟੈਕਸੀਆਂ ਅਤੇ ਟ੍ਰਾਂਸਪੋਰਟ ਬੰਦ ਹੋਣ ਕਾਰਨ ਉਨ੍ਹਾਂ ਨੂੰ ਰਾਤ 10 ਵਜੇ ਤੱਕ 20 ਕਿਲੋਮੀਟਰ ਪੈਦਲ ਚੱਲ ਕੇ ਇੱਕ ਹੋਟਲ ਪਹੁੰਚਣਾ ਪਿਆ
ਦਵਾਈਆਂ ਅਤੇ ਪੈਸੇ ਖ਼ਤਮ, ਹੋਟਲ ਖਾਲੀ ਕਰਨ ਦੇ ਹੁਕਮ
ਵੀਡੀਓ ਵਿੱਚ ਪ੍ਰਿੰਸੀਪਲ ਨੇ ਭਾਵੁਕ ਹੁੰਦਿਆਂ ਦੱਸਿਆ:
“ਮੈਂ ਬੀ.ਪੀ. (Blood Pressure) ਦੀ ਮਰੀਜ਼ ਹਾਂ ਅਤੇ ਮੇਰੀਆਂ ਦਵਾਈਆਂ ਖ਼ਤਮ ਹੋ ਚੁੱਕੀਆਂ ਹਨ। ਸਾਡੇ ਕੋਲ ਪੈਸੇ ਵੀ ਨਹੀਂ ਬਚੇ। ਅੱਜ (ਐਤਵਾਰ) ਸਵੇਰੇ ਹੋਟਲ ਵਾਲਿਆਂ ਨੇ ਵੀ ਕਮਰਾ ਖਾਲੀ ਕਰਨ ਲਈ ਕਹਿ ਦਿੱਤਾ ਹੈ। ਅਸੀਂ ਬਹੁਤ ਮੁਸ਼ਕਲ ਵਿੱਚ ਹਾਂ ਅਤੇ ਭਾਰਤ ਸਰਕਾਰ ਸਾਨੂੰ ਇੱਥੋਂ ਜਲਦੀ ਕੱਢੇ।”
ਇਰਾਨ ਦਾ UAE ‘ਤੇ ਵੱਡਾ ਹਮਲਾ: ਕੀ ਹਨ ਹਾਲਾਤ?
ਇਰਾਨ ਨੇ ਅਮਰੀਕਾ ਅਤੇ ਇਜ਼ਰਾਈਲ ਦੀ ਕਾਰਵਾਈ ਦਾ ਬਦਲਾ ਲੈਂਦਿਆਂ UAE ‘ਤੇ 137 ਮਿਜ਼ਾਈਲਾਂ ਅਤੇ 209 ਡਰੋਨਾਂ ਨਾਲ ਹਮਲਾ ਕੀਤਾ ਹੈ।
ਅਬੂ ਧਾਬੀ ਦੇ ਨੇੜੇ ਸਥਿਤ ਅਲ-ਧਫਰਾ ਏਅਰ ਬੇਸ ਸੀ। ਹਾਲਾਂਕਿ UAE ਦੇ ਡਿਫੈਂਸ ਸਿਸਟਮ ਨੇ ਕਈ ਮਿਜ਼ਾਈਲਾਂ ਡੇਗ ਦਿੱਤੀਆਂ, ਪਰ ਉਨ੍ਹਾਂ ਦੇ ਮਲਬੇ ਕਾਰਨ ਦੁਬਈ ਏਅਰਪੋਰਟ, ਬੁਰਜ ਖਲੀਫਾ ਖੇਤਰ, ਪਾਮ ਜੁਮੇਰਾਹ ਅਤੇ ਬੁਰਜ ਅਲ ਅਰਬ ਵਰਗੇ ਪ੍ਰਮੁੱਖ ਸਥਾਨਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਇਸ ਹਮਲੇ ਵਿੱਚ ਹੁਣ ਤੱਕ 8 ਲੋਕਾਂ ਦੇ ਜ਼ਖਮੀ ਹੋਣ ਦੀ ਖ਼ਬਰ ਹੈ
ਭਾਰਤ ਨੇ ਰੋਕੀਆਂ ਦੁਬਈ ਦੀਆਂ ਉਡਾਣਾਂ
ਖ਼ਤਰੇ ਨੂੰ ਦੇਖਦਿਆਂ ਭਾਰਤ ਸਰਕਾਰ ਨੇ ਦੁਬਈ ਜਾਣ ਵਾਲੀਆਂ ਸਾਰੀਆਂ ਉਡਾਣਾਂ ਨੂੰ ਅਗਲੇ ਹੁਕਮਾਂ ਤੱਕ ਮੁਲਤਵੀ ਕਰ ਦਿੱਤਾ ਹੈ। ਵਿਦੇਸ਼ ਮੰਤਰਾਲਾ ਉੱਥੇ ਫਸੇ ਭਾਰਤੀਆਂ ਦੇ ਸੰਪਰਕ ਵਿੱਚ ਹੈ, ਪਰ ਜ਼ਮੀਨੀ ਹਾਲਾਤ ਕਾਫੀ ਚਿੰਤਾਜਨਕ ਬਣੇ ਹੋਏ ਹਨ
