ਅਹਿਮਦਾਬਾਦ: ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਖੇਡੇ ਗਏ T20 ਵਿਸ਼ਵ ਕੱਪ 2026 ਦੇ ਫਾਈਨਲ ਮੁਕਾਬਲੇ ਵਿੱਚ ਭਾਰਤੀ ਬੱਲੇਬਾਜ਼ ਸੰਜੂ ਸੈਮਸਨ ਨੇ ਆਪਣੀ ਬੱਲੇਬਾਜ਼ੀ ਨਾਲ ਤੂਫ਼ਾਨ ਲਿਆ ਦਿੱਤਾ। ਸੈਮਸਨ ਨੇ ਨਿਊਜ਼ੀਲੈਂਡ ਦੇ ਗੇਂਦਬਾਜ਼ਾਂ ਦੀ ਰੇਲ ਬਣਾਉਂਦਿਆਂ ਮਹਿਜ਼ 46 ਗੇਂਦਾਂ ਵਿੱਚ 89 ਦੌੜਾਂ ਦੀ ਵਿਸਫੋਟਕ ਪਾਰੀ ਖੇਡੀ। ਇਸ ਪਾਰੀ ਦੇ ਨਾਲ ਹੀ ਉਨ੍ਹਾਂ ਨੇ ਵਿਰਾਟ ਕੋਹਲੀ ਸਮੇਤ ਕਈ ਦਿੱਗਜਾਂ ਦੇ ਰਿਕਾਰਡ ਮਾਤ ਪਾ ਦਿੱਤੇ ਹਨ
ਵਿਸ਼ਵ ਕੱਪ ਫਾਈਨਲ ਦੀ ਸਭ ਤੋਂ ਵੱਡੀ ਭਾਰਤੀ ਪਾਰੀ
ਸੰਜੂ ਸੈਮਸਨ ਹੁਣ T20 ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਸਭ ਤੋਂ ਵੱਧ ਸਕੋਰ ਬਣਾਉਣ ਵਾਲੇ ਭਾਰਤੀ ਬੱਲੇਬਾਜ਼ ਬਣ ਗਏ ਹਨ। ਉਨ੍ਹਾਂ ਦੀ ਇਸ ਪਾਰੀ ਵਿੱਚ ਸ਼ਾਨਦਾਰ ਟਾਈਮਿੰਗ ਅਤੇ ਆਤਮਵਿਸ਼ਵਾਸ ਦੀ ਝਲਕ ਸਾਫ਼ ਦਿਖਾਈ ਦਿੱਤੀ।
T20 ਵਿਸ਼ਵ ਕੱਪ ਫਾਈਨਲ ਦੇ ਸਭ ਤੋਂ ਵੱਡੇ ਵਿਅਕਤੀਗਤ ਸਕੋਰ:
ਮਾਰਲਨ ਸੈਮੂਅਲਜ਼ (ਵੈਸਟਇੰਡੀਜ਼): 85* ਦੌੜਾਂ (2016 ਵਿੱਚ ਇੰਗਲੈਂਡ ਵਿਰੁੱਧ)
ਸੰਜੂ ਸੈਮਸਨ (ਭਾਰਤ): 89 ਦੌੜਾਂ (2026 ਵਿੱਚ ਨਿਊਜ਼ੀਲੈਂਡ ਵਿਰੁੱਧ)
ਕੇਨ ਵਿਲੀਅਮਸਨ (ਨਿਊਜ਼ੀਲੈਂਡ): 85 ਦੌੜਾਂ (2021 ਵਿੱਚ ਆਸਟ੍ਰੇਲੀਆ ਵਿਰੁੱਧ)
(ਨੋਟ: ਸੈਮਸਨ ਨੇ ਫਾਈਨਲ ਵਿੱਚ ਕਿਸੇ ਵੀ ਭਾਰਤੀ ਵੱਲੋਂ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦਾ ਕੋਹਲੀ ਦਾ ਰਿਕਾਰਡ ਤੋੜ ਦਿੱਤਾ ਹੈ)
ਅਫਰੀਦੀ ਅਤੇ ਕੋਹਲੀ ਦੇ ਖਾਸ ਕਲੱਬ ਵਿੱਚ ਸ਼ਾਮਲ
ਸੰਜੂ ਸੈਮਸਨ ਨੇ ਇੱਕ ਹੋਰ ਵੱਡਾ ਰਿਕਾਰਡ ਆਪਣੇ ਨਾਮ ਕੀਤਾ ਹੈ। ਉਹ ਦੁਨੀਆ ਦੇ ਉਨ੍ਹਾਂ ਚੁਣਿੰਦਾ ਖਿਡਾਰੀਆਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਏ ਹਨ, ਜਿਨ੍ਹਾਂ ਨੇ ਇੱਕੋ ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਅਤੇ ਫਾਈਨਲ ਦੋਵਾਂ ਵਿੱਚ ਅਰਧ ਸੈਂਕੜੇ ਜੜੇ ਹਨ।
ਇਸ ਤੋਂ ਪਹਿਲਾਂ ਇਹ ਕਾਰਨਾਮਾ ਸਿਰਫ਼ ਦੋ ਖਿਡਾਰੀਆਂ ਨੇ ਕੀਤਾ ਸੀ:
ਸ਼ਾਹਿਦ ਅਫਰੀਦੀ (ਪਾਕਿਸਤਾਨ): 2009 ਵਿੱਚ
ਵਿਰਾਟ ਕੋਹਲੀ (ਭਾਰਤ): 2014 ਵਿੱਚ
ਸੰਜੂ ਸੈਮਸਨ (ਭਾਰਤ): 2026 ਵਿੱਚ
ਸਟੇਡੀਅਮ ਵਿੱਚ ਗੂੰਜਿਆ ‘ਸੰਜੂ-ਸੰਜੂ’
ਅਹਿਮਦਾਬਾਦ ਦੇ ਮੈਦਾਨ ‘ਤੇ ਸੈਮਸਨ ਨੇ ਮੈਦਾਨ ਦੇ ਚਾਰੇ ਪਾਸੇ ਸ਼ਾਨਦਾਰ ਸ਼ਾਟ ਲਗਾਏ। ਉਨ੍ਹਾਂ ਦੀ ਇਸ ਪਾਰੀ ਨੇ ਭਾਰਤ ਨੂੰ ਇੱਕ ਅਜਿਹੇ ਸਕੋਰ ਤੱਕ ਪਹੁੰਚਾਇਆ ਜਿੱਥੋਂ ਵਿਸ਼ਵ ਕੱਪ ਦੀ ਟਰਾਫੀ ਹੁਣ ਬਹੁਤ ਨੇੜੇ ਨਜ਼ਰ ਆ ਰਹੀ ਹੈ। ਸੈਮਸਨ ਦੀ ਇਸ ਪਾਰੀ ਨੇ ਇਹ ਸਾਬਤ ਕਰ ਦਿੱਤਾ ਕਿ ਉਹ ਵੱਡੇ ਮੈਚਾਂ ਦੇ ਖਿਡਾਰੀ ਹਨ
