ਸਭ ਤੋਂ ਵੱਡੇ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿਟਰ ਦੇ ਮਾਲਕ ਐਲੋਨ ਮਸਕ ਨੇ ਵੱਡਾ ਐਲਾਨ ਕੀਤਾ ਹੈ। ਦਰਅਸਲ, ਉਨ੍ਹਾਂ ਨੇ ਟਵਿਟਰ ‘ਚ ਕਈ ਬਦਲਾਅ ਕੀਤੇ ਹਨ। ਟਵਿਟਰ ਨੂੰ ਹੁਣ X ਦੇ ਨਾਂ ਨਾਲ ਜਾਣਿਆ ਜਾਵੇਗਾ। ਜੀ ਹਾਂ, ਐਲੋਨ ਮਸਕ ਨੇ ਟਵਿਟਰ ਦਾ ਨਾਂ ਬਦਲ ਕੇ X ਕਰ ਦਿੱਤਾ ਹੈ।
ਇੰਨਾ ਹੀ ਨਹੀਂ, ਟਵਿਟਰ ਦਾ ਡੋਮੇਨ ਵੀ Twitter.com ਤੋਂ X.com ਹੋ ਗਿਆ ਹੈ। ਟਵਿਟਰ ਲੋਗੋ ‘ਤੇ ਚਿੜੀ ਦੀ ਥਾਂ ‘ਤੇ X ਦਾ ਚਿੰਨ੍ਹ ਦਿਖਾਈ ਦੇਵੇਗਾ। ਉਨ੍ਹਾਂ ਨੇ ਟਵੀਟ ਕੀਤਾ ਕਿ, ਜਲਦੀ ਹੀ ਅਸੀਂ ਟਵਿੱਟਰ ਬ੍ਰਾਂਡ ਅਤੇ ਪੰਛੀਆਂ ਨੂੰ ਅਲਵਿਦਾ ਕਹਿ ਦੇਵਾਂਗੇ। ਕੁਝ ਮਹਾਨ ਲੋਕ ਅੱਜ ਰਾਤ ਤੱਕ ਪੋਸਟ ਕਰਨਗੇ, ਜੋ ਅੱਜ ਯਾਨੀ 24 ਜੁਲਾਈ ਤੋਂ ਲਾਈਵ ਹੋ ਜਾਣਗੇ। ਇਸ ਦਾ ਮਤਲਬ ਹੈ ਕਿ ਹੁਣ ਸਾਨੂੰ ਸਾਰਿਆਂ ਨੂੰ ਨਵਾਂ ਟਵਿੱਟਰ ਲੋਗੋ ਦੇਖਣ ਨੂੰ ਮਿਲੇਗਾ।
ਐਲੋਨ ਮਸਕ ਨੇ ਕਿਹਾ ਕਿ ਉਸਨੂੰ X ਸ਼ਬਦ ਬਹੁਤ ਪਸੰਦ ਹੈ, ਇਸ ਲਈ ਉਸਨੇ ਆਪਣੀਆਂ ਸਾਰੀਆਂ ਕੰਪਨੀਆਂ ਦੇ ਨਾਮ ਵਿੱਚ X ਸ਼ਬਦ ਦੀ ਵਰਤੋਂ ਕੀਤੀ ਹੈ, ਭਾਵੇਂ ਉਹ SpaceX ਹੋਵੇ ਜਾਂ Xai। ਇਸ ਦੇ ਨਾਲ ਹੀ ਐਲੋਨ ਮਸਕ ਨੇ ਇੱਕ ਵੀਡੀਓ ਵੀ ਸ਼ੇਅਰ ਕੀਤਾ ਹੈ ਜਿਸ ਵਿੱਚ X ਨਜ਼ਰ ਆ ਰਿਹਾ ਹੈ। ਉਸ ਨੇ ਆਪਣੀ ਪ੍ਰੋਫਾਈਲ ਤਸਵੀਰ ਵੀ ਬਦਲ ਦਿੱਤੀ ਹੈ।
