ਬਿਹਾਰ ਦੇ ਸਮਸਤੀਪੁਰ ਜ਼ਿਲ੍ਹੇ ਦੇ ਵੀਰਨਾਮਾ ਪਿੰਡ ਵਿੱਚ ਇਕ ਅਨੋਖਾ ਅਤੇ ਸਮਾਜਿਕ ਤੌਰ ‘ਤੇ ਚਰਚਿਤ ਮਾਮਲਾ ਸਾਹਮਣੇ ਆਇਆ ਹੈ। ਭਰੀ ਪੰਚਾਇਤ ਦੌਰਾਨ ਇਕ ਵਿਆਹਸ਼ੁਦਾ ਮਹਿਲਾ ਨੇ ਆਪਣੇ ਪ੍ਰੇਮੀ ਨਾਲ ਰਹਿਣ ਦੀ ਇੱਛਾ ਜਤਾਈ, ਜਿਸ ਤੋਂ ਬਾਅਦ ਪਤੀ ਦੀ ਸਹਿਮਤੀ ਨਾਲ ਉਸਦਾ ਵਿਆਹ ਪ੍ਰੇਮੀ ਨਾਲ ਕਰਵਾ ਦਿੱਤਾ ਗਿਆ।
ਮਹਿਲਾ ਦੀ ਸ਼ਾਦੀ ਲਗਭਗ ਸਾੜੇ ਤਿੰਨ ਸਾਲ ਪਹਿਲਾਂ ਵੈਸ਼ਾਲੀ ਜ਼ਿਲ੍ਹੇ ਦੇ ਇਕ ਨੌਜਵਾਨ ਨਾਲ ਹੋਈ ਸੀ। ਦੰਪਤੀ ਦੇ ਦੋ ਬੱਚੇ ਹੋਏ ਸਨ, ਜਿਨ੍ਹਾਂ ਵਿੱਚੋਂ ਇੱਕ ਦੀ ਬਿਮਾਰੀ ਕਾਰਨ ਮੌਤ ਹੋ ਗਈ। ਇਸ ਦੌਰਾਨ ਮਹਿਲਾ ਦਾ ਸਮਸਤੀਪੁਰ ਜ਼ਿਲ੍ਹੇ ਦੇ ਹੀ ਇਕ ਨੌਜਵਾਨ ਨਾਲ ਸੋਸ਼ਲ ਮੀਡੀਆ ਰਾਹੀਂ ਸੰਪਰਕ ਬਣਿਆ, ਜੋ ਆਹਿਸਤਾ-ਆਹਿਸਤਾ ਪ੍ਰੇਮ ਸੰਬੰਧ ਵਿੱਚ ਬਦਲ ਗਿਆ। ਇਸ ਗੱਲ ਦਾ ਪਤਾ ਲੱਗਣ ‘ਤੇ ਪਰਿਵਾਰ ਵਿੱਚ ਵਿਵਾਦ ਵਧ ਗਿਆ।
ਮਾਮਲੇ ਦੇ ਹੱਲ ਲਈ ਵੀਰਨਾਮਾ ਪੰਚਾਇਤ ਸਰਕਾਰ ਭਵਨ ਵਿੱਚ ਪੰਚਾਇਤ ਬੁਲਾਈ ਗਈ, ਜਿਸ ਵਿੱਚ ਦੋਵੇਂ ਪੱਖਾਂ ਦੇ ਪਰਿਵਾਰਕ ਮੈਂਬਰ ਅਤੇ ਸਥਾਨਕ ਲੋਕ ਮੌਜੂਦ ਸਨ। ਪੰਚਾਇਤ ਦੌਰਾਨ ਮਹਿਲਾ ਨੂੰ ਪਤੀ ਨਾਲ ਰਹਿਣ ਲਈ ਸਮਝਾਇਆ ਗਿਆ, ਪਰ ਉਹ ਆਪਣੇ ਫ਼ੈਸਲੇ ‘ਤੇ ਕਾਇਮ ਰਹੀ।
ਅੰਤ ਵਿੱਚ ਪਤੀ ਨੇ ਸ਼ਰਤ ਰੱਖੀ ਕਿ ਉਨ੍ਹਾਂ ਦਾ ਪੁੱਤਰ ਉਸਦੇ ਕੋਲ ਰਹੇਗਾ। ਮਹਿਲਾ ਨੇ ਇਸ ਸ਼ਰਤ ਨੂੰ ਮਨਜ਼ੂਰ ਕਰਦੇ ਹੋਏ ਬੱਚੇ ਨੂੰ ਪਤੀ ਦੇ ਹਵਾਲੇ ਕਰ ਦਿੱਤਾ। ਇਸ ਤੋਂ ਬਾਅਦ ਪੰਚਾਇਤ ਦੀ ਮੌਜੂਦਗੀ ਵਿੱਚ ਪਤੀ ਨੇ ਮਹਿਲਾ ਦਾ ਹੱਥ ਉਸਦੇ ਪ੍ਰੇਮੀ ਦੇ ਹੱਥ ਵਿੱਚ ਦੇ ਦਿੱਤਾ ਅਤੇ ਦੋਹਾਂ ਦਾ ਵਿਆਹ ਕਰਵਾ ਦਿੱਤਾ ਗਿਆ।
ਇਸ ਪੂਰੇ ਘਟਨਾਕ੍ਰਮ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਮਾਮਲੇ ਨੇ ਸਮਾਜ ਵਿੱਚ ਵਿਆਹ, ਨਿੱਜੀ ਚੋਣ ਅਤੇ ਪੰਚਾਇਤੀ ਦਖ਼ਲਅੰਦਾਜ਼ੀ ਨੂੰ ਲੈ ਕੇ ਚਰਚਾ ਛੇੜ ਦਿੱਤੀ ਹੈ
