ਆਗਰਾ: ਕਹਿੰਦੇ ਨੇ ਪਿਆਰ ਅੰਨ੍ਹਾ ਹੁੰਦਾ ਹੈ, ਨਾ ਇਹ ਉਮਰ ਦੇਖਦਾ ਹੈ ਅਤੇ ਨਾ ਹੀ ਸਮਾਜਿਕ ਬੰਧਨ। ਅਜਿਹਾ ਹੀ ਇੱਕ ਅਜੀਬੋ-ਗਰੀਬ ਮਾਮਲਾ ਉੱਤਰ ਪ੍ਰਦੇਸ਼ ਦੇ ਅਮਰੋਹਾ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ 21 ਸਾਲ ਦੇ ਇੱਕ ਨੌਜਵਾਨ ਨੂੰ ਆਪਣੇ ਤੋਂ ਲਗਭਗ ਦੁੱਗਣੀ ਉਮਰ ਦੀ ਔਰਤ ਨਾਲ ਇਸ਼ਕ ਹੋ ਗਿਆ। ਇਹ ਇਸ਼ਕ ਇਸ ਕਦਰ ਪਰਵਾਨ ਚੜ੍ਹਿਆ ਕਿ ਨੌਜਵਾਨ ਆਪਣਾ ਘਰ-ਬਾਰ ਛੱਡ ਕੇ ਆਗਰਾ ਜਾ ਪਹੁੰਚਿਆ
ਸੋਸ਼ਲ ਮੀਡੀਆ ਤੋਂ ਸ਼ੁਰੂ ਹੋਈ ਸੀ ‘ਪ੍ਰੇਮ ਕਹਾਣੀ’
ਜਾਣਕਾਰੀ ਮੁਤਾਬਕ ਅਮਰੋਹਾ ਦੇ ਰਹਿਣ ਵਾਲੇ 21 ਸਾਲਾ ਨੌਜਵਾਨ ਦੀ ਮੁਲਾਕਾਤ ਆਗਰਾ ਦੀ ਰਹਿਣ ਵਾਲੀ ਇੱਕ 40 ਸਾਲਾ ਵਿਧਵਾ ਔਰਤ ਨਾਲ ਹੋਈ ਸੀ। ਹੌਲੀ-ਹੌਲੀ ਇਹ ਦੋਸਤੀ ਗੂੜ੍ਹੇ ਪਿਆਰ ਵਿੱਚ ਬਦਲ ਗਈ। ਨੌਜਵਾਨ ਪਿਆਰ ਵਿੱਚ ਇਸ ਕਦਰ ਪਾਗਲ ਹੋ ਗਿਆ ਕਿ ਉਸ ਨੂੰ ਆਪਣੀ ਅਤੇ ਔਰਤ ਦੀ ਉਮਰ ਵਿੱਚ 19 ਸਾਲ ਦਾ ਫਰਕ ਵੀ ਨਜ਼ਰ ਨਹੀਂ ਆਇਆ।
ਅਚਾਨਕ ਲਾਪਤਾ ਹੋਇਆ ਨੌਜਵਾਨ
ਕੁਝ ਦਿਨ ਪਹਿਲਾਂ ਇਹ ਨੌਜਵਾਨ ਅਚਾਨਕ ਆਪਣੇ ਘਰੋਂ ਗਾਇਬ ਹੋ ਗਿਆ। ਪਰਿਵਾਰ ਵਾਲਿਆਂ ਨੇ ਕਾਫੀ ਭਾਲ ਕੀਤੀ, ਰਿਸ਼ਤੇਦਾਰੀਆਂ ਵਿੱਚ ਫੋਨ ਕੀਤੇ, ਪਰ ਉਸ ਦਾ ਕੋਈ ਸੁਰਾਗ ਨਹੀਂ ਮਿਲਿਆ। ਪਰੇਸ਼ਾਨ ਮਾਂ ਨੇ ਜਦੋਂ ਆਪਣੇ ਪੱਧਰ ‘ਤੇ ਪੜਤਾਲ ਕੀਤੀ, ਤਾਂ ਉਸ ਨੂੰ ਸ਼ੱਕ ਹੋਇਆ ਕਿ ਉਸ ਦਾ ਪੁੱਤ ਆਗਰਾ ਵਿੱਚ ਉਸੇ ਔਰਤ ਕੋਲ ਹੋ ਸਕਦਾ ਹੈ ਜਿਸ ਨਾਲ ਉਹ ਫੋਨ ‘ਤੇ ਗੱਲਾਂ ਕਰਦਾ ਸੀ
ਮਾਂ ਪਹੁੰਚੀ ਆਗਰਾ, ਖੜ੍ਹਾ ਹੋਇਆ ਹੰਗਾਮਾ
ਆਪਣੇ ਜਿਗਰ ਦੇ ਟੁਕੜੇ ਨੂੰ ਵਾਪਸ ਲਿਆਉਣ ਲਈ ਬੇਵੱਸ ਮਾਂ ਆਗਰਾ ਪਹੁੰਚ ਗਈ। ਕਾਫੀ ਮੁਸ਼ੱਕਤ ਤੋਂ ਬਾਅਦ ਜਦੋਂ ਉਹ ਉਸ ਔਰਤ ਦੇ ਘਰ ਪਹੁੰਚੀ, ਤਾਂ ਉੱਥੇ ਦਾ ਨਜ਼ਾਰਾ ਦੇਖ ਕੇ ਉਸ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ। ਉਸ ਦਾ 21 ਸਾਲਾ ਪੁੱਤ ਉਸ 40 ਸਾਲਾ ਔਰਤ ਨਾਲ ਪਤੀ-ਪਤਨੀ ਵਾਂਗ ਰਹਿ ਰਿਹਾ ਸੀ
ਜਿਵੇਂ ਹੀ ਮਾਂ ਨੇ ਆਪਣੇ ਪੁੱਤ ਨੂੰ ਵਾਪਸ ਘਰ ਚੱਲਣ ਲਈ ਕਿਹਾ, ਤਾਂ ਉੱਥੇ ਵੱਡਾ ਹੰਗਾਮਾ ਖੜ੍ਹਾ ਹੋ ਗਿਆ। ਨੌਜਵਾਨ ਨੇ ਆਪਣੀ ਮਾਂ ਦੇ ਨਾਲ ਜਾਣ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ ਅਤੇ ਉਸੇ ਔਰਤ ਨਾਲ ਰਹਿਣ ਦੀ ਜ਼ਿੱਦ ‘ਤੇ ਅੜ ਗਿਆ। ਮਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਸੀ, ਪਰ ਪਿਆਰ ਵਿੱਚ ਅੰਨ੍ਹਾ ਪੁੱਤ ਕੁਝ ਵੀ ਸੁਣਨ ਨੂੰ ਤਿਆਰ ਨਹੀਂ ਸੀ
ਇਲਾਕੇ ਵਿੱਚ ਚਰਚਾ ਦਾ ਵਿਸ਼ਾ
ਇਸ ਘਟਨਾ ਤੋਂ ਬਾਅਦ ਇਲਾਕੇ ਵਿੱਚ ਤਰ੍ਹਾਂ-ਤਰ੍ਹਾਂ ਦੀਆਂ ਗੱਲਾਂ ਹੋ ਰਹੀਆਂ ਹਨ। ਲੋਕ ਹੈਰਾਨ ਹਨ ਕਿ ਇੱਕ ਨੌਜਵਾਨ ਲੜਕਾ ਕਿਵੇਂ ਆਪਣੇ ਤੋਂ ਇੰਨੀ ਵੱਡੀ ਉਮਰ ਦੀ ਔਰਤ ਲਈ ਆਪਣੀ ਮਾਂ ਅਤੇ ਪਰਿਵਾਰ ਨੂੰ ਠੋਕਰ ਮਾਰ ਸਕਦਾ ਹੈ। ਮਾਮਲਾ ਹੁਣ ਪੁਲਿਸ ਕੋਲ ਪਹੁੰਚਣ ਦੀ ਸੰਭਾਵਨਾ ਹੈ, ਕਿਉਂਕਿ ਮਾਂ ਆਪਣੇ ਪੁੱਤ ਨੂੰ ਕਿਸੇ ਵੀ ਕੀਮਤ ‘ਤੇ ਉਸ ਔਰਤ ਦੇ ਚੁੰਗਲ ਵਿੱਚੋਂ ਕੱਢਣਾ ਚਾਹੁੰਦੀ ਹੈ
