ਅਮਰੀਕਾ ਅਤੇ ਇਰਾਨ ਵਿਚਾਲੇ ਤਣਾਅ ਇੱਕ ਵਾਰ ਫਿਰ ਸਿਖਰਾਂ ‘ਤੇ ਪਹੁੰਚ ਗਿਆ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਰਾਨ ਨੂੰ ਆਪਣੇ ਪ੍ਰਮਾਣੂ ਪ੍ਰੋਗਰਾਮ ਬਾਰੇ ਸਮਝੌਤਾ ਕਰਨ ਲਈ ਆਖਰੀ ਚੇਤਾਵਨੀ ਦਿੰਦਿਆਂ ਕਿਹਾ ਹੈ ਕਿ ਹੁਣ “ਸਮਾਂ ਖਤਮ ਹੋ ਰਿਹਾ ਹੈ”। ਇਸ ਦੇ ਨਾਲ ਹੀ ਅਮਰੀਕਾ ਨੇ ਖਾੜੀ ਖੇਤਰ ਵਿੱਚ ਆਪਣੀ ਫੌਜੀ ਤਾਕਤ ਵਧਾਉਣੀ ਸ਼ੁਰੂ ਕਰ ਦਿੱਤੀ ਹੈ
ਟਰੰਪ ਦਾ ‘ਮੈਸਿਵ ਆਰਮਾਡਾ’ (Massive Armada)
ਰਾਸ਼ਟਰਪਤੀ ਟਰੰਪ ਨੇ ਸੋਸ਼ਲ ਮੀਡੀਆ ਰਾਹੀਂ ਜਾਣਕਾਰੀ ਦਿੱਤੀ ਕਿ ਅਮਰੀਕਾ ਦਾ ਇੱਕ ਬਹੁਤ ਵੱਡਾ ਸਮੁੰਦਰੀ ਫੌਜੀ ਬੇੜਾ (Armada), ਜਿਸ ਦੀ ਅਗਵਾਈ ਏਅਰਕ੍ਰਾਫਟ ਕੈਰੀਅਰ USS ਇਬਰਾਹਿਮ ਲਿੰਕਨ ਕਰ ਰਿਹਾ ਹੈ, ਇਰਾਨ ਵੱਲ ਵੱਧ ਰਿਹਾ ਹੈ। ਟਰੰਪ ਨੇ ਇਸ ਨੂੰ ਵੈਨੇਜ਼ੁਏਲਾ ਭੇਜੇ ਗਏ ਬੇੜੇ ਨਾਲੋਂ ਵੀ ਵੱਡਾ ਦੱਸਿਆ
“ਇਹ ਵਿਸ਼ਾਲ ਬੇੜਾ ਬਹੁਤ ਸ਼ਕਤੀ, ਉਤਸ਼ਾਹ ਅਤੇ ਉਦੇਸ਼ ਨਾਲ ਤੇਜ਼ੀ ਨਾਲ ਅੱਗੇ ਵਧ ਰਿਹਾ ਹੈ। ਉਮੀਦ ਹੈ ਕਿ ਇਰਾਨ ਜਲਦੀ ਟੇਬਲ ਤੇ ਆਵੇਗਾ ਅਤੇ ਇਕ ਸਹੀ ਸਮਝੌਤਾ ਕਰੇਗਾ—ਕੋਈ ਪ੍ਰਮਾਣੂ ਹਥਿਆਰ ਨਹੀਂ!” – ਡੋਨਾਲਡ ਟਰੰਪ
ਟਰੰਪ ਨੇ ਇਰਾਨ ਨੂੰ ਪਿਛਲੇ ਸਾਲ ਹੋਏ ‘ਆਪ੍ਰੇਸ਼ਨ ਮਿਡਨਾਈਟ ਹੈਮਰ’ ਦੀ ਯਾਦ ਦਿਵਾਉਂਦਿਆਂ ਚੇਤਾਵਨੀ ਦਿੱਤੀ ਕਿ ਜੇਕਰ ਹੁਣ ਹਮਲਾ ਹੋਇਆ ਤਾਂ ਉਹ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਭਿਆਨਕ ਹੋਵੇਗਾ।
ਇਰਾਨ ਦਾ ਜਵਾਬ: “ਅਸੀਂ ਪਹਿਲਾਂ ਵਰਗਾ ਜਵਾਬ ਨਹੀਂ ਦੇਵਾਂਗੇ”
ਇਰਾਨ ਨੇ ਵੀ ਅਮਰੀਕੀ ਧਮਕੀਆਂ ਦਾ ਕਰਾਰਾ ਜਵਾਬ ਦਿੱਤਾ ਹੈ। ਸੰਯੁਕਤ ਰਾਸ਼ਟਰ ਵਿੱਚ ਇਰਾਨ ਦੇ ਮਿਸ਼ਨ ਨੇ ਸਪੱਸ਼ਟ ਕੀਤਾ ਕਿ ਤੇਹਰਾਨ “ਆਪਸੀ ਸਤਿਕਾਰ ਅਤੇ ਹਿੱਤਾਂ” ਦੇ ਅਧਾਰ ‘ਤੇ ਗੱਲਬਾਤ ਲਈ ਤਿਆਰ ਹੈ। ਹਾਲਾਂਕਿ, ਉਨ੍ਹਾਂ ਨੇ ਵੱਡੇ ਅੱਖਰਾਂ ਵਿੱਚ ਲਿਖ ਕੇ ਚੇਤਾਵਨੀ ਦਿੱਤੀ:
ਰੱਖਿਆ: ਜੇਕਰ ਇਰਾਨ ‘ਤੇ ਦਬਾਅ ਪਾਇਆ ਗਿਆ ਜਾਂ ਹਮਲਾ ਹੋਇਆ, ਤਾਂ ਉਹ ਆਪਣੀ ਰੱਖਿਆ ਕਰੇਗਾ।
ਜਵਾਬ: ਇਰਾਨ ਅਜਿਹਾ ਜਵਾਬ ਦੇਵੇਗਾ ਜੋ ਪਹਿਲਾਂ ਕਦੇ ਨਹੀਂ ਦੇਖਿਆ ਗਿਆ ਹੋਵੇਗਾ (“RESPOND LIKE NEVER BEFORE”)।
ਪ੍ਰਮਾਣੂ ਪ੍ਰੋਗਰਾਮ ‘ਤੇ ਟਕਰਾਅ
ਇਰਾਨ ਲਗਾਤਾਰ ਇਹ ਦਾਅਵਾ ਕਰਦਾ ਆ ਰਿਹਾ ਹੈ ਕਿ ਉਸ ਦਾ ਪ੍ਰਮਾਣੂ ਪ੍ਰੋਗਰਾਮ ਪੂਰੀ ਤਰ੍ਹਾਂ ਸ਼ਾਂਤੀਪੂਰਨ ਕੰਮਾਂ ਲਈ ਹੈ। ਪਰ ਅਮਰੀਕਾ ਅਤੇ ਉਸ ਦੇ ਸਹਿਯੋਗੀ ਦੇਸ਼ਾਂ ਦਾ ਦੋਸ਼ ਹੈ ਕਿ ਇਰਾਨ ਗੁਪਤ ਰੂਪ ਵਿੱਚ ਪ੍ਰਮਾਣੂ ਹਥਿਆਰ ਵਿਕਸਿਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
ਟਰੰਪ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਇਹ ਬੇੜਾ ਪੂਰੀ ਤਾਕਤ, ਉਤਸ਼ਾਹ ਅਤੇ ਮਕਸਦ ਨਾਲ ਅੱਗੇ ਵਧ ਰਿਹਾ ਹੈ ਅਤੇ ਲੋੜ ਪੈਣ ’ਤੇ “ਤੇਜ਼ੀ ਅਤੇ ਹਿੰਸਕ ਕਾਰਵਾਈ” ਕਰਨ ਲਈ ਤਿਆਰ ਹੈ। ਉਨ੍ਹਾਂ ਨੇ ਇਰਾਨ ਨੂੰ ਚੇਤਾਵਨੀ ਦਿੰਦਿਆਂ ਕਿਹਾ ਕਿ ਸਮਾਂ ਬਹੁਤ ਘੱਟ ਹੈ ਅਤੇ ਹੁਣ ਵੀ ਮੌਕਾ ਹੈ ਕਿ ਇਰਾਨ ਗੱਲਬਾਤ ਦੀ ਮੇਜ਼ ’ਤੇ ਆ ਕੇ ਪਰਮਾਣੂ ਹਥਿਆਰਾਂ ਤੋਂ ਬਿਨਾਂ ਇੱਕ ਨਿਆਂਪੂਰਨ ਸਮਝੌਤਾ ਕਰੇ
Image Credit : Reuters
