ਨਵੀਂ ਦਿੱਲੀ: ਜੇਕਰ ਤੁਸੀਂ ਨਵਾਂ ਪੈਨ ਕਾਰਡ (PAN Card) ਬਣਵਾਉਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬੇਹੱਦ ਅਹਿਮ ਹੈ। 1 ਅਪ੍ਰੈਲ 2026 ਤੋਂ ਪੈਨ ਕਾਰਡ ਬਣਾਉਣ ਦੇ ਨਿਯਮਾਂ ਵਿੱਚ ਵੱਡਾ ਬਦਲਾਅ ਹੋਣ ਜਾ ਰਿਹਾ ਹੈ। ਹੁਣ ਨਵੇਂ ਪੈਨ ਕਾਰਡ ਲਈ ਸਿਰਫ਼ ਆਧਾਰ ਕਾਰਡ ਹੀ ਕਾਫ਼ੀ ਨਹੀਂ ਹੋਵੇਗਾ, ਸਗੋਂ ਬਿਨੈਕਾਰਾਂ ਨੂੰ ਜਨਮ ਮਿਤੀ (Date of Birth) ਦਾ ਵਾਧੂ ਸਬੂਤ ਵੀ ਦੇਣਾ ਪਵੇਗਾ
ਕੀ ਹੈ ਨਵਾਂ ਨਿਯਮ?
CSC ਈ-ਗਵਰਨੈਂਸ ਸਰਵਿਸਿਜ਼ ਵੱਲੋਂ ਸਾਂਝੀ ਕੀਤੀ ਜਾਣਕਾਰੀ ਅਨੁਸਾਰ, ਨਵੀਂ ਅਰਜ਼ੀ ਪ੍ਰਕਿਰਿਆ ਦੇ ਤਹਿਤ ਹੁਣ ਆਧਾਰ ਦੇ ਨਾਲ-ਨਾਲ ਜਨਮ ਮਿਤੀ ਨੂੰ ਤਸਦੀਕ ਕਰਨ ਵਾਲੇ ਦਸਤਾਵੇਜ਼ ਜਮ੍ਹਾਂ ਕਰਵਾਉਣੇ ਲਾਜ਼ਮੀ ਹੋਣਗੇ।
31 ਮਾਰਚ ਤੱਕ: ਤੁਸੀਂ ਪੁਰਾਣੇ ਨਿਯਮਾਂ ਅਨੁਸਾਰ ਸਿਰਫ਼ ਆਧਾਰ ਕਾਰਡ ਰਾਹੀਂ ਅਪਲਾਈ ਕਰ ਸਕਦੇ ਹੋ
1 ਅਪ੍ਰੈਲ ਤੋਂ: ਪੁਰਾਣੇ ਫਾਰਮ ਸਵੀਕਾਰ ਨਹੀਂ ਕੀਤੇ ਜਾਣਗੇ ਅਤੇ ਵਾਧੂ ਦਸਤਾਵੇਜ਼ ਲਾਜ਼ਮੀ ਹੋਣਗੇ
ਕਿਹੜੇ ਦਸਤਾਵੇਜ਼ਾਂ ਦੀ ਪਵੇਗੀ ਲੋੜ?
ਹੁਣ ਆਧਾਰ ਕਾਰਡ ਦੇ ਨਾਲ ਹੇਠ ਲਿਖਿਆਂ ਵਿੱਚੋਂ ਕੋਈ ਇੱਕ ਦਸਤਾਵੇਜ਼ ਦੇਣਾ ਜ਼ਰੂਰੀ ਹੋਵੇਗਾ:
- ਜਨਮ ਸਰਟੀਫਿਕੇਟ (Birth Certificate)
- ਵੋਟਰ ਆਈਡੀ ਕਾਰਡ
- 10ਵੀਂ ਜਮਾਤ ਦੀ ਮਾਰਕਸ਼ੀਟ ਜਾਂ ਸਰਟੀਫਿਕੇਟ
- ਡਰਾਈਵਿੰਗ ਲਾਇਸੰਸ
- ਪਾਸਪੋਰਟ
- ਮੈਜਿਸਟ੍ਰੇਟ ਵੱਲੋਂ ਤਸਦੀਕਸ਼ੁਦਾ ਹਲਫ਼ਨਾਮਾ (Affidavit)
ਅਧਿਕਾਰੀਆਂ ਅਨੁਸਾਰ, ਇਸ ਬਦਲਾਅ ਦਾ ਮੁੱਖ ਉਦੇਸ਼ ਪਛਾਣ ਦੇ ਰਿਕਾਰਡ ਵਿੱਚ ਹੋਣ ਵਾਲੀਆਂ ਗਲਤੀਆਂ ਨੂੰ ਘਟਾਉਣਾ ਅਤੇ ਤਸਦੀਕ ਪ੍ਰਕਿਰਿਆ ਨੂੰ ਹੋਰ ਮਜ਼ਬੂਤ ਕਰਨਾ ਹੈ
ਆਨਲਾਈਨ ਅਪਲਾਈ ਕਿਵੇਂ ਕਰੀਏ? (ਸਟੈਪ-ਬਾਈ-ਸਟੈਪ)
ਜੇਕਰ ਤੁਸੀਂ ਨਵੇਂ ਨਿਯਮਾਂ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ 31 ਮਾਰਚ ਤੋਂ ਪਹਿਲਾਂ ਇਨ੍ਹਾਂ ਕਦਮਾਂ ਦੀ ਪਾਲਣਾ ਕਰਕੇ ਅਪਲਾਈ ਕਰੋ:
- NSDL ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾਓ
- ‘Apply Online’ ‘ਤੇ ਕਲਿੱਕ ਕਰੋ ਅਤੇ New PAN – Indian Citizen (Form 49A) ਚੁਣੋ
- ਕੈਟੇਗਰੀ ਵਿੱਚ ‘Individual’ (ਵਿਅਕਤੀਗਤ) ਚੁਣੋ
- ਆਪਣਾ ਨਾਮ, ਜਨਮ ਮਿਤੀ, ਈਮੇਲ ਆਈਡੀ ਅਤੇ ਮੋਬਾਈਲ ਨੰਬਰ ਦਰਜ ਕਰੋ
- ਫਾਰਮ ਜਮ੍ਹਾਂ ਕਰਨ ਤੋਂ ਬਾਅਦ ਟੋਕਨ ਨੰਬਰ ਨੋਟ ਕਰੋ
- ਆਧਾਰ-ਆਧਾਰਿਤ OTP ਵੈਰੀਫਿਕੇਸ਼ਨ ਪੂਰੀ ਕਰੋ
- ਪਤੇ ਅਤੇ ਮਾਤਾ-ਪਿਤਾ ਦੇ ਵੇਰਵੇ ਭਰੋ (ਆਟੋਮੈਟਿਕ ਪਤੇ ਲਈ e-KYC ਚੁਣੋ)
- ਆਨਲਾਈਨ ਫੀਸ ਦਾ ਭੁਗਤਾਨ ਕਰੋ ਅਤੇ ਅੰਤਿਮ ਵੈਰੀਫਿਕੇਸ਼ਨ ਤੋਂ ਬਾਅਦ ਫਾਰਮ ਸਬਮਿਟ ਕਰੋ
ਜੇਕਰ ਤੁਸੀਂ ਦਸਤਾਵੇਜ਼ਾਂ ਦੀ ਭੱਜ-ਦੌੜ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ 31 ਮਾਰਚ ਦੀ ਡੈੱਡਲਾਈਨ ਤੋਂ ਪਹਿਲਾਂ ਅਪਲਾਈ ਕਰਨਾ ਸਭ ਤੋਂ ਵਧੀਆ ਵਿਕਲਪ ਹੈ
