ਮੌਸਮ ਦਾ ਵੱਡਾ ਅਲਰਟ: ਅਗਲੇ 72 ਘੰਟੇ ਭਾਰੀ, ਪੰਜਾਬ ਵੱਲ ਵਧਿਆ ਮਾਨਸੂਨ

ਚੰਡੀਗੜ੍ਹ: ਕਈ ਦਿਨਾਂ ਤੋਂ ਭਿਆਨਕ ਗਰਮੀ ਅਤੇ ਲੂ ਦਾ ਸਾਹਮਣਾ ਕਰ ਰਹੇ ਉੱਤਰ ਭਾਰਤ ਦੇ ਲੋਕਾਂ ਲਈ ਰਾਹਤ ਅਤੇ ਚਿੰਤਾ ਦੋਵੇਂ ਇਕੱਠੀਆਂ ਆ ਰਹੀਆਂ ਹਨ। ਭਾਰਤੀ ਮੌਸਮ ਵਿਗਿਆਨ ਵਿਭਾਗ ਅਨੁਸਾਰ, ਦੇਸ਼ ਵਿੱਚ ਮਾਨਸੂਨ ਦੀ ਪਹਿਲੀ ਵੱਡੀ ਦਸਤਕ ਹੋਣ ਜਾ ਰਹੀ ਹੈ, ਜਿਸ ਕਾਰਨ ਅਗਲੇ 72 ਘੰਟੇ ਬਹੁਤ ਸੰਵੇਦਨਸ਼ੀਲ ਦੱਸੇ ਗਏ ਹਨ। ਬੰਗਾਲ ਦੀ ਖਾੜੀ ਤੋਂ ਉੱਠ ਰਹੀ ਨਮੀ, ਪੱਛਮੀ ਵਿਕ੍ਸ਼ੋਭ (Western Disturbance) ਅਤੇ ਸਾਈਕਲੋਨਿਕ ਸਰਕੁਲੇਸ਼ਨ ਦੇ ਆਪਸੀ ਮੇਲ ਕਾਰਨ ਇੱਕ ਮਜ਼ਬੂਤ ਮੌਸਮੀ ਸਿਸਟਮ ਤਿਆਰ ਹੋ ਗਿਆ ਹੈ, ਜਿਸ ਨਾਲ ਦੇਸ਼ ਦੇ 17 ਰਾਜਾਂ ਵਿੱਚ ਭਾਰੀ ਮੀਂਹ, ਤੇਜ਼ ਆਂਧੀ ਅਤੇ ਅਕਾਸ਼ੀ ਬਿਜਲੀ ਦਾ ਖ਼ਤਰਾ ਬਣ ਗਿਆ ਹੈ

70-80 ਕਿਲੋਮੀਟਰ ਦੀ ਰਫ਼ਤਾਰ ਨਾਲ ਚੱਲੇਗਾ ਤੂਫ਼ਾਨ,
ਮੌਸਮ ਵਿਭਾਗ ਮੁਤਾਬਕ ਦਿੱਲੀ-NCR, ਪੰਜਾਬ, ਹਰਿਆਣਾ, ਉੱਤਰ ਪ੍ਰਦੇਸ਼, ਬਿਹਾਰ, ਝਾਰਖੰਡ ਅਤੇ ਰਾਜਸਥਾਨ ਵਰਗੇ ਰਾਜਾਂ ਵਿੱਚ 70 ਤੋਂ 80 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਤੂਫ਼ਾਨੀ ਹਵਾਵਾਂ ਚੱਲ ਸਕਦੀਆਂ ਹਨ। IMD ਦਾ ਕਹਿਣਾ ਹੈ ਕਿ ਇਹ ਸਿਰਫ਼ ਆਮ ਮੀਂਹ ਨਹੀਂ ਹੋਵੇਗਾ। ਇਸ ਤੇਜ਼ ਤੂਫ਼ਾਨ ਕਾਰਨ ਕਈ ਇਲਾਕਿਆਂ ਵਿੱਚ ਰੁੱਖਾਂ ਦੇ ਡਿੱਗਣ, ਬਿਜਲੀ ਦੇ ਖੰਭੇ ਉੱਖੜਨ ਅਤੇ ਬਿਜਲੀ ਵਿਵਸਥਾ ਠੱਪ ਹੋਣ ਵਰਗੀਆਂ ਸਥਿਤੀਆਂ ਪੈਦਾ ਹੋ ਸਕਦੀਆਂ ਹਨ

ਮੌਸਮ ਮਾਹਿਰਾਂ ਦੀ ਚੇਤਾਵਨੀ:

“ਇਸ ਵਾਰ ਮਾਨਸੂਨ ਦੀ ਚਾਲ ਆਮ ਨਾਲੋਂ ਵਧੇਰੇ ਹਮਲਾਵਰ ਦਿਖਾਈ ਦੇ ਰਹੀ ਹੈ। ਦੱਖਣ ਭਾਰਤ ਵਿੱਚ ਸਰਗਰਮ ਹੋਣ ਤੋਂ ਬਾਅਦ ਹੁਣ ਇਹ ਤੇਜ਼ੀ ਨਾਲ ਮੱਧ ਅਤੇ ਉੱਤਰ ਭਾਰਤ ਵੱਲ ਵਧ ਰਿਹਾ ਹੈ। ਸਕਾਈਮੇਟ ਅਤੇ IMD ਅਨੁਸਾਰ 11 ਜੂਨ ਤੋਂ ਅਸਮਾਨ ਵਿੱਚ ਬੱਦਲਾਂ ਦੀ ਆਵਾਜਾਈ ਤੇਜ਼ ਹੋਵੇਗੀ ਅਤੇ 12 ਤੋਂ 13 ਜੂਨ ਤੱਕ ਵੱਡੇ ਪੱਧਰ ‘ਤੇ ਮੀਂਹ ਪੈਣ ਦੀ ਸੰਭਾਵਨਾ ਹੈ।”

ਪੰਜਾਬ ਅਤੇ ਹਰਿਆਣਾ ਵਿੱਚ ਵਧੇਗੀ ਚੁਣੌਤੀ, ਅਲਰਟ ਜਾਰੀ
ਪੰਜਾਬ ਅਤੇ ਹਰਿਆਣਾ ਦੇ ਕਈ ਜ਼ਿਲ੍ਹਿਆਂ ਵਿੱਚ ਅਗਲੇ ਕੁਝ ਦਿਨਾਂ ਤੱਕ ਮੌਸਮ ਖ਼ਰਾਬ ਰਹਿਣ ਦਾ ਅਨੁਮਾਨ ਹੈ। ਖ਼ਾਸ ਕਰਕੇ ਖੇਤੀਬਾੜੀ ਅਤੇ ਆਵਾਜਾਈ ‘ਤੇ ਇਸਦਾ ਸਿੱਧਾ ਅਸਰ ਪੈ ਸਕਦਾ ਹੈ