ਰਾਂਚੀ: ਖ਼ਬਰ ਝਾਰਖੰਡ ਦੀ ਆ ਜਿੱਥੇ ਭ੍ਰਿਸ਼ਟਾਚਾਰ ਵਿਰੋਧੀ ਬਿਊਰੋ (ACB) ਨੇ ਇੱਕ ਵੱਡੀ ਕਾਰਵਾਈ ਕਰਦੇ ਹੋਏ ਚੈਨਪੁਰ ਦੇ ਥਾਣਾ ਇੰਚਾਰਜ ਸ਼ੈਲੇਸ਼ ਕੁਮਾਰ ਨੂੰ ਰਿਸ਼ਵਤ ਲੈਂਦੇ ਹੋਏ ਰੰਗੇ ਹੱਥੀਂ ਗ੍ਰਿਫ਼ਤਾਰ ਕੀਤਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ SHO ਸ਼ੈਲੇਸ਼ ਕੁਮਾਰ ਨੇ ਅਹੁਦਾ ਸੰਭਾਲਣ ਦੇ ਮਹਿਜ਼ 96 ਘੰਟਿਆਂ ਦੇ ਅੰਦਰ ਹੀ ਰਿਸ਼ਵਤਖੋਰੀ ਦਾ ਰਸਤਾ ਫੜ ਲਿਆ, ਜਿਸ ਕਾਰਨ ਉਹ ਹੁਣ ਸਲਾਖਾਂ ਦੇ ਪਿੱਛੇ ਹੈ
19 ਜਨਵਰੀ ਨੂੰ SHO ਦਾ ਅਹੁਦਾ ਸੰਭਾਲਿਆ ਸੀ ਤੇ 22 ਜਨਵਰੀ ਨੂੰ ਰਿਸ਼ਵਤ ਮਾਮਲੇ ਚ’ ਗ੍ਰਿਫ਼ਤਾਰ ਹੋ ਗਿਆ ਸੀ
ਕੀ ਹੈ ਪੂਰਾ ਮਾਮਲਾ?
ਜਾਣਕਾਰੀ ਅਨੁਸਾਰ, ਸ਼ੈਲੇਸ਼ ਕੁਮਾਰ ‘ਤੇ ਦੋਸ਼ ਹੈ ਕਿ ਉਸ ਨੇ ਇੱਕ ਗਰੀਬ ਪੇਂਡੂ ਵਿਅਕਤੀ ਤੋਂ ਉਸ ਦੇ ਨਿੱਜੀ ਮਕਾਨ ਲਈ ਇੱਟਾਂ ਪਕਾਉਣ ਦੇ ਬਦਲੇ ਪੈਸਿਆਂ ਦੀ ਮੰਗ ਕੀਤੀ ਸੀ। ਇਸ ਭ੍ਰਿਸ਼ਟਾਚਾਰ ਵਿੱਚ ਉਸ ਦੇ ਸਾਬਕਾ ਸਾਥੀ ਅਤੇ ਸਾਬਕਾ ਥਾਣਾ ਇੰਚਾਰਜ ਅਸ਼ੋਕ ਕੁਮਾਰ ਦਾ ਨਾਮ ਵੀ ਸਾਹਮਣੇ ਆ ਰਿਹਾ ਹੈ
ਮੁੱਖ ਨੁਕਤੇ:
ਰਿਸ਼ਵਤ ਦੀ ਰਕਮ: ਮੁਲਜ਼ਮ ਥਾਣਾ ਇੰਚਾਰਜ 30,000 ਰੁਪਏ ਦੀ ਰਿਸ਼ਵਤ ਲੈਂਦੇ ਹੋਏ ਫੜਿਆ ਗਿਆ।
ACB ਦੀ ਜਾਲ: ਸ਼ਿਕਾਇਤ ਮਿਲਣ ਤੋਂ ਬਾਅਦ ਏ.ਸੀ.ਬੀ. ਨੇ ਜਾਲ ਵਿਛਾਇਆ ਅਤੇ ਰਣਨੀਤੀ ਤਹਿਤ ਸ਼ੈਲੇਸ਼ ਕੁਮਾਰ ਨੂੰ ਰਿਸ਼ਵਤ ਦੇ ਪੈਸਿਆਂ ਸਮੇਤ ਦਬੋਚ ਲਿਆ।
ਗਰੀਬ ਪੇਂਡੂ ਨੂੰ ਬਣਾਇਆ ਨਿਸ਼ਾਨਾ: ਦੋਸ਼ ਹੈ ਕਿ ਪੁਲਿਸ ਅਧਿਕਾਰੀ ਇੱਕ ਸਾਧਾਰਨ ਪੇਂਡੂ ਨੂੰ ਆਪਣਾ ਘਰ ਬਣਾਉਣ ਲਈ ਇੱਟਾਂ ਪਕਾਉਣ ਦੇ ਕੰਮ ਵਿੱਚ ਰੁਕਾਵਟ ਨਾ ਪਾਉਣ ਦੇ ਬਦਲੇ ਤੰਗ ਕਰ ਰਹੇ ਸਨ।
ਪੁਲਿਸ ਮਹਿਕਮੇ ‘ਚ ਮਚਿਆ ਹੜਕੰਪ
ਨਵੇਂ ਥਾਣਾ ਇੰਚਾਰਜ ਦੀ ਇੰਨੀ ਜਲਦੀ ਗ੍ਰਿਫ਼ਤਾਰੀ ਨੇ ਪੁਲਿਸ ਪ੍ਰਸ਼ਾਸਨ ‘ਤੇ ਸਵਾਲੀਆ ਨਿਸ਼ਾਨ ਖੜ੍ਹੇ ਕਰ ਦਿੱਤੇ ਹਨ। ਏ.ਸੀ.ਬੀ. ਦੀ ਟੀਮ ਹੁਣ ਇਸ ਮਾਮਲੇ ਵਿੱਚ ਅਸ਼ੋਕ ਕੁਮਾਰ ਦੀ ਭੂਮਿਕਾ ਦੀ ਵੀ ਬਾਰੀਕੀ ਨਾਲ ਜਾਂਚ ਕਰ ਰਹੀ ਹੈ।
ਏ.ਸੀ.ਬੀ. ਦਾ ਸੁਨੇਹਾ: ਵਿਭਾਗ ਨੇ ਸਪੱਸ਼ਟ ਕੀਤਾ ਹੈ ਕਿ ਭ੍ਰਿਸ਼ਟਾਚਾਰ ਵਿਰੁੱਧ ਜ਼ੀਰੋ ਟਾਲਰੈਂਸ ਦੀ ਨੀਤੀ ਅਪਣਾਈ ਜਾਵੇਗੀ ਅਤੇ ਕੋਈ ਵੀ ਅਧਿਕਾਰੀ ਕਾਨੂੰਨ ਤੋਂ ਉੱਪਰ ਨਹੀਂ ਹੈ
#shoshaileshkumar
