ਹਾਵੜਾ: ਭਾਰਤੀ ਰੇਲਵੇ ਦੇ ਇਤਿਹਾਸ ਵਿੱਚ 17 ਜਨਵਰੀ ਦਾ ਦਿਨ ਇੱਕ ਸੁਨਹਿਰੀ ਅੱਖਰਾਂ ਵਿੱਚ ਲਿਖਿਆ ਜਾਵੇਗਾ। PM ਨਰਿੰਦਰ ਮੋਦੀ ਪੱਛਮੀ ਬੰਗਾਲ ਦੇ ਮਾਲਦਾ ਤੋਂ ਦੇਸ਼ ਦੀ ਪਹਿਲੀ ਵੰਦੇ ਭਾਰਤ ਸਲੀਪਰ ਟ੍ਰੇਨ ਦਾ ਉਦਘਾਟਨ ਕਰਨ ਜਾ ਰਹੇ ਹਨ। ਇਹ ਟ੍ਰੇਨ ਹਾਵੜਾ (ਪੱਛਮੀ ਬੰਗਾਲ) ਅਤੇ ਗੁਹਾਟੀ (ਅਸਾਮ) ਦੇ ਵਿਚਕਾਰ ਚੱਲੇਗੀ, ਜਿਸ ਨਾਲ ਪੂਰਬੀ ਭਾਰਤ ਵਿੱਚ ਰਾਤ ਦੇ ਸਫ਼ਰ ਦਾ ਤਜ਼ਰਬਾ ਪੂਰੀ ਤਰ੍ਹਾਂ ਬਦਲ ਜਾਵੇਗਾ
18 ਜਨਵਰੀ ਤੋਂ ਸ਼ੁਰੂ ਹੋਵੇਗੀ ਆਮ ਸੇਵਾ
ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਅਨੁਸਾਰ, ਉਦਘਾਟਨ ਤੋਂ ਅਗਲੇ ਹੀ ਦਿਨ ਯਾਨੀ 18 ਜਨਵਰੀ ਤੋਂ ਇਹ ਟ੍ਰੇਨ ਆਮ ਯਾਤਰੀਆਂ ਲਈ ਉਪਲਬਧ ਹੋਵੇਗੀ। ਇਹ ਸੇਵਾ ਦੋਵਾਂ ਰਾਜਾਂ ਦੇ ਪ੍ਰਮੁੱਖ ਜ਼ਿਲ੍ਹਿਆਂ ਨੂੰ ਜੋੜੇਗੀ, ਜਿਸ ਨਾਲ ਵਪਾਰੀਆਂ, ਸੈਲਾਨੀਆਂ ਅਤੇ ਆਮ ਲੋਕਾਂ ਨੂੰ ਵੱਡੀ ਰਾਹਤ ਮਿਲੇਗੀ
ਕੀ ਹਨ ਟ੍ਰੇਨ ਦੀਆਂ ਖ਼ੂਬੀਆਂ?
ਵੰਦੇ ਭਾਰਤ ਸਲੀਪਰ ਟ੍ਰੇਨ ਵਿੱਚ ਆਧੁਨਿਕਤਾ ਅਤੇ ਆਰਾਮ ਦਾ ਖਾਸ ਖਿਆਲ ਰੱਖਿਆ ਗਿਆ ਹੈ:
ਕੁੱਲ ਕੋਚ: ਟ੍ਰੇਨ ਵਿੱਚ 16 ਕੋਚ ਹੋਣਗੇ, ਜਿਸ ਵਿੱਚ 823 ਯਾਤਰੀ ਸਫ਼ਰ ਕਰ ਸਕਣਗੇ।
ਸ਼੍ਰੇਣੀਆਂ (Classes): ਇਸ ਵਿੱਚ 11 ਥ੍ਰੀ-ਟੀਅਰ (3AC), 4 ਟੂ-ਟੀਅਰ (2AC) ਅਤੇ 1 ਫਸਟ AC ਕੋਚ ਸ਼ਾਮਲ ਹੈ।
ਰਫ਼ਤਾਰ: ਹਾਲਾਂਕਿ ਟਰਾਇਲ ਦੌਰਾਨ ਇਸ ਨੇ 180 kmph ਦੀ ਰਫ਼ਤਾਰ ਨੂੰ ਛੋਹਿਆ ਹੈ, ਪਰ ਰੂਟ ‘ਤੇ ਇਹ 120-130 kmph ਦੀ ਰਫ਼ਤਾਰ ਨਾਲ ਚੱਲੇਗੀ।
ਸੁਰੱਖਿਆ: ਇਹ ਟ੍ਰੇਨ ‘ਕਵਚ’ (Kavach) ਸੁਰੱਖਿਆ ਪ੍ਰਣਾਲੀ ਅਤੇ ਐਮਰਜੈਂਸੀ ਟਾਕ-ਬੈਕ ਸਿਸਟਮ ਨਾਲ ਲੈਸ ਹੈ
ਮੱਧ ਵਰਗ ਦੇ ਬਜਟ ਵਿੱਚ ਕਿਰਾਇਆ
ਰੇਲ ਮੰਤਰੀ ਨੇ ਸਪੱਸ਼ਟ ਕੀਤਾ ਹੈ ਕਿ ਕਿਰਾਇਆ ਇਸ ਤਰ੍ਹਾਂ ਤੈਅ ਕੀਤਾ ਗਿਆ ਹੈ ਕਿ ਮੱਧ ਵਰਗ ਆਸਾਨੀ ਨਾਲ ਇਸ ਸੇਵਾ ਦਾ ਲਾਭ ਲੈ ਸਕੇ। ਖਾਸ ਗੱਲ ਇਹ ਹੈ ਕਿ ਇਸ ਕਿਰਾਏ ਵਿੱਚ ਖਾਣਾ (Catering) ਵੀ ਸ਼ਾਮਲ ਹੋਵੇਗਾ:
3rd AC: ਲਗਭਗ ₹2,300
2nd AC: ਲਗਭਗ ₹3,000
1st AC: ਲਗਭਗ ₹3,600
ਹਵਾਈ ਜਹਾਜ਼ ਵਰਗੀਆਂ ਸਹੂਲਤਾਂ ਅਤੇ ਸਫਾਈ
ਟ੍ਰੇਨ ਵਿੱਚ ਸਫਾਈ ਲਈ ਵਿਸ਼ੇਸ਼ ‘ਡਿਸਇਨਫੈਕਟੈਂਟ ਟੈਕਨਾਲੋਜੀ’ (Disinfectant Technology) ਦੀ ਵਰਤੋਂ ਕੀਤੀ ਗਈ ਹੈ, ਜੋ 99.9% ਕੀਟਾਣੂਆਂ ਨੂੰ ਖਤਮ ਕਰਨ ਵਿੱਚ ਸਮਰੱਥ ਹੈ। ਇਸ ਤੋਂ ਇਲਾਵਾ, ਝਟਕਾ-ਰਹਿਤ ਸਫ਼ਰ ਲਈ ਬਿਹਤਰ ਸਸਪੈਂਸ਼ਨ, ਆਟੋਮੈਟਿਕ ਦਰਵਾਜ਼ੇ ਅਤੇ ਸ਼ੋਰ ਨੂੰ ਘਟਾਉਣ ਵਾਲੀ ਤਕਨੀਕ ਦੀ ਵਰਤੋਂ ਕੀਤੀ ਗਈ ਹੈ
#sleeepervandebharat #vandebharatsleepertrain #railwaynews #newtrain
