ਚੰਡੀਗੜ੍ਹ : ਕ੍ਰਿਕਟ ਦੇ ਇਤਿਹਾਸ ਵਿੱਚ ਅੱਜ ਇੱਕ ਅਜਿਹਾ ਨਵਾਂ ਅਧਿਆਏ ਲਿਖਿਆ ਗਿਆ ਹੈ, ਜਿਸ ਨੇ ਪੂਰੀ ਦੁਨੀਆ ਨੂੰ ਹੈਰਾਨ ਕਰ ਦਿੱਤਾ ਹੈ। ਰਾਜਸਥਾਨ ਰਾਇਲਜ਼ (Rajasthan Royals) ਦੇ ਮਹਿਜ਼ 15 ਸਾਲਾ ਖੱਬੇ ਹੱਥ ਦੇ ਸਲਾਮੀ ਬੱਲੇਬਾਜ਼ ਵੈਭਵ ਸੂਰਿਆਵੰਸ਼ੀ ਨੇ ਨਿਊ ਚੰਡੀਗੜ੍ਹ ਦੇ ਮੈਦਾਨ ’ਤੇ ਉਹ ਕਾਰਨਾਮਾ ਕਰ ਵਿਖਾਇਆ ਹੈ, ਜੋ ਵੱਡੇ-ਵੱਡੀਆਂ ਦੇ ਸੁਫ਼ਨਿਆਂ ਵਿੱਚ ਹੁੰਦਾ ਹੈ
ਸਨਰਾਈਜ਼ਰਜ਼ ਹੈਦਰਾਬਾਦ (SRH) ਖ਼ਿਲਾਫ਼ ਖੇਡੇ ਗਏ ਹਾਈ-ਵੋਲਟੇਜ ਪਲੇਆਫ ਐਲੀਮੀਨੇਟਰ ਮੁਕਾਬਲੇ ਵਿੱਚ ਇਸ ਨੌਜਵਾਨ ਯੋਧੇ ਨੇ ਆਪਣਾ 60ਵਾਂ ਛੱਕਾ ਜੜ ਕੇ ਯੂਨੀਵਰਸਲ ਬੌਸ ਕ੍ਰਿਸ ਗੇਲ ਦੇ ਇੱਕ ਸੀਜ਼ਨ ਵਿੱਚ 59 ਛੱਕਿਆਂ ਦੇ ਸਭ ਤੋਂ ਵੱਡੇ ਇਤਿਹਾਸਕ ਰਿਕਾਰਡ ਨੂੰ ਹਮੇਸ਼ਾ ਲਈ ਧੂੜ ਚੱਟਾ ਦਿੱਤੀ
ਪਾਵਰਪਲੇਅ ’ਚ ਤਬਾਹੀ, ਗੇਂਦਬਾਜ਼ਾਂ ਦੇ ਛੁੱਟੇ ਪਸੀਨੇ
ਬਿਹਾਰ ਦੇ ਸਮਸਤੀਪੁਰ ਦੇ ਰਹਿਣ ਵਾਲੇ ਇਸ ਉੱਭਰਦੇ ਸਿਤਾਰੇ ਨੇ ਮੈਦਾਨ ’ਤੇ ਆਉਂਦਿਆਂ ਹੀ ਹੈਦਰਾਬਾਦ ਦੇ ਗੇਂਦਬਾਜ਼ੀ ਹਮਲੇ ਦੀਆਂ ਧੱਜੀਆਂ ਉਡਾ ਦਿੱਤੀਆਂ। ਵੈਭਵ ਦੀ ਇਸ ਵਿਸਫੋਟਕ ਬੱਲੇਬਾਜ਼ੀ ਸਦਕਾ ਰਾਜਸਥਾਨ ਰਾਇਲਜ਼ ਨੇ ਪਾਵਰਪਲੇਅ ਵਿੱਚ ਇੱਕ ਅਜਿਹੀ ਮਜ਼ਬੂਤ ਸ਼ੁਰੂਆਤ ਕੀਤੀ, ਜਿਸ ਨੇ ਮੈਚ ਦਾ ਰੁਖ ਹੀ ਬਦਲ ਦਿੱਤਾ। ਉਸ ਦੀ ਪਾਵਰ-ਹਿਟਿੰਗ ਨੇ ਘਰੇਲੂ ਟੀ-20 ਚੈਂਪੀਅਨਸ਼ਿਪ ਵਿੱਚ ਇੱਕ ਨਵਾਂ ਮੀਲ ਪੱਥਰ ਸਥਾਪਿਤ ਕਰ ਦਿੱਤਾ ਹੈ।
ਵੈਭਵ ਸੂਰਿਆਵੰਸ਼ੀ: ਰਿਕਾਰਡਾਂ ਦਾ ਨਵਾਂ ਬਾਦਸ਼ਾਹ
ਇਸ ਸੀਜ਼ਨ ਵਿੱਚ ਵੈਭਵ ਨੇ ਨਾ ਸਿਰਫ਼ ਵਿਸ਼ਵ ਰਿਕਾਰਡ ਤੋੜਿਆ, ਬਲਕਿ ਕਈ ਹੋਰ ਵੱਡੀਆਂ ਉਪਲਬਧੀਆਂ ਵੀ ਆਪਣੇ ਨਾਮ ਕੀਤੀਆਂ:
ਗੇਲ ਦਾ ਰਿਕਾਰਡ ਢੇਰ: ਕ੍ਰਿਸ ਗੇਲ ਦੇ ਇੱਕ ਸੀਜ਼ਨ ਵਿੱਚ 59 ਛੱਕਿਆਂ ਦੇ ਰਿਕਾਰਡ ਨੂੰ ਪਿੱਛੇ ਛੱਡ ਕੇ 60 ਛੱਕੇ ਪੂਰੇ ਕੀਤੇ।
ਪਹਿਲਾ ਭਾਰਤੀ ਬਣਿਆ: ਵੈਭਵ ਇੱਕੋ ਮੁਕਾਬਲੇ/ਸੀਜ਼ਨ ਵਿੱਚ 50 ਛੱਕਿਆਂ ਦਾ ਅੰਕੜਾ ਪਾਰ ਕਰਨ ਵਾਲਾ ਪਹਿਲਾ ਭਾਰਤੀ ਕ੍ਰਿਕਟਰ ਬਣ ਗਿਆ ਹੈ।
ਭਾਰਤੀ ਰਿਕਾਰਡ ਕੀਤਾ ਧਵਸਤ: ਇਸ ਤੋਂ ਪਹਿਲਾਂ ਭਾਰਤੀ ਧਰਤੀ ’ਤੇ ਸਭ ਤੋਂ ਵੱਧ 42 ਛੱਕਿਆਂ ਦਾ ਖੇਤਰੀ ਰਿਕਾਰਡ ਸੀ, ਜਿਸ ਨੂੰ ਵੈਭਵ ਨੇ ਗਰੁੱਪ ਸਟੇਜ ਦੇ ਮੈਚਾਂ ਦੌਰਾਨ ਹੀ ਬੜੀ ਆਸਾਨੀ ਨਾਲ ਪਾਰ ਕਰ ਲਿਆ ਸੀ।
ਦੁਨੀਆ ਭਰ ਦੇ ਦਿੱਗਜ ਹੋਏ ਮੁਰੀਦ
“ਮਹਿਜ਼ 15 ਸਾਲ ਦੀ ਉਮਰ ਵਿੱਚ ਅਜਿਹਾ ਆਤਮਵਿਸ਼ਵਾਸ ਅਤੇ ਤਾਕਤ ਦੇਖਣਾ ਅਦਭੁਤ ਹੈ। ਗੇਲ ਦਾ ਰਿਕਾਰਡ ਤੋੜਨਾ ਕੋਈ ਮਾਮੂਲੀ ਗੱਲ ਨਹੀਂ, ਇਹ ਬੱਚਾ ਕ੍ਰਿਕਟ ਦਾ ਅਗਲਾ ਸੁਪਰਸਟਾਰ ਹੈ।”
