ਕੈਲੀਫੋਰਨੀਆ: ਐਪਲ ਨੇ ਆਖਿਰਕਾਰ ਆਪਣੇ ਪਹਿਲੇ ਫੋਲਡੇਬਲ ਆਈਫੋਨ ਤੋਂ ਪਰਦਾ ਹਟਾ ਦਿੱਤਾ ਹੈ। ਕੰਪਨੀ ਨੇ iPhone Duo ਨਾਮ ਨਾਲ ਆਪਣਾ ਨਵਾਂ ਫੋਲਡੇਬਲ ਸਮਾਰਟਫੋਨ ਪੇਸ਼ ਕੀਤਾ ਹੈ। ਇਹ ਐਪਲ ਦੀ ਫੋਲਡੇਬਲ ਫੋਨ ਮਾਰਕੀਟ ਵਿੱਚ ਪਹਿਲੀ ਵੱਡੀ ਐਂਟਰੀ ਹੈ ਅਤੇ Samsung ਦੇ ਪਹਿਲੇ Galaxy Fold ਤੋਂ ਕਈ ਸਾਲ ਬਾਅਦ ਕੰਪਨੀ ਨੇ ਇਹ ਡਿਵਾਈਸ ਲਾਂਚ ਕੀਤਾ ਹੈ
23 ਅਕਤੂਬਰ ਤੋਂ ਵਿਕਰੀ, ਪ੍ਰੀ-ਆਰਡਰ 16 ਅਕਤੂਬਰ ਤੋਂ
Apple iPhone Duo ਲਈ 16 ਅਕਤੂਬਰ ਤੋਂ ਪ੍ਰੀ-ਆਰਡਰ ਸ਼ੁਰੂ ਕਰੇਗਾ, ਜਦਕਿ ਇਸ ਦੀ ਅਧਿਕਾਰਤ ਵਿਕਰੀ 23 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ। ਇਹ ਨਵੀਂ iPhone 18 Pro ਸੀਰੀਜ਼ ਦੇ ਦੋ ਮਾਡਲਾਂ ਦੇ ਮੁਕਾਬਲੇ ਲਗਭਗ ਇੱਕ ਮਹੀਨਾ ਬਾਅਦ ਬਾਜ਼ਾਰ ਵਿੱਚ ਉਪਲਬਧ ਹੋਵੇਗਾ।
ਫੋਨ ਦੇ 256GB ਸਟੋਰੇਜ ਵਾਲੇ ਬੇਸ ਮਾਡਲ ਦੀ ਸ਼ੁਰੂਆਤੀ ਕੀਮਤ $1,999 ਰੱਖੀ ਗਈ ਹੈ। ਇਸ ਵਿੱਚ ਸਟੋਰੇਜ ਨੂੰ ਵਧਾ ਕੇ 2TB ਤੱਕ ਕਰਨ ਦਾ ਵਿਕਲਪ ਵੀ ਮਿਲੇਗਾ।
ਬੰਦ ਕਰਨ ‘ਤੇ ਪਾਸਪੋਰਟ ਜਿੰਨਾ ਆਕਾਰ
ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ iPhone Duo ਨੂੰ ਫੋਲਡ ਕਰਨ ਤੋਂ ਬਾਅਦ ਇਸ ਦਾ ਆਕਾਰ ਲਗਭਗ ਪਾਸਪੋਰਟ ਦੇ ਬਰਾਬਰ ਦੱਸਿਆ ਗਿਆ ਹੈ। ਬਾਹਰਲੀ ਸਕ੍ਰੀਨ 5.4 ਇੰਚ ਦੀ ਹੈ, ਜਦਕਿ ਫੋਨ ਖੋਲ੍ਹਣ ‘ਤੇ ਅੰਦਰੋਂ 7.6 ਇੰਚ ਦਾ ਡਿਸਪਲੇ ਮਿਲਦਾ ਹੈ।
ਇਹ ਸਕ੍ਰੀਨ ਹੁਣ ਤੱਕ ਕਿਸੇ ਵੀ iPhone ‘ਤੇ ਦਿੱਤੀ ਗਈ ਸਭ ਤੋਂ ਵੱਡੀ ਡਿਸਪਲੇ ਦੱਸੀ ਜਾ ਰਹੀ ਹੈ। ਦੋਵੇਂ ਸਕ੍ਰੀਨਾਂ ਦਾ ਆਸਪੈਕਟ ਰੇਸ਼ੋ ਵੀ ਇੱਕੋ ਜਿਹਾ ਰੱਖਿਆ ਗਿਆ ਹੈ। ਕੰਪਨੀ ਮੁਤਾਬਕ ਅੰਦਰਲੀ ਵੱਡੀ ਸਕ੍ਰੀਨ iPhone 18 Pro Max ਦੇ ਡਿਸਪਲੇ ਨਾਲੋਂ ਲਗਭਗ 50 ਫੀਸਦੀ ਵੱਡੀ ਹੈ।
ਟਾਈਟੇਨੀਅਮ ਫਰੇਮ ਅਤੇ Ceramic Shield ਦੀ ਸੁਰੱਖਿਆ
Apple ਨੇ ਫੋਲਡੇਬਲ iPhone ਦੀ ਮਜ਼ਬੂਤੀ ‘ਤੇ ਵੀ ਖਾਸ ਧਿਆਨ ਦਿੱਤਾ ਹੈ। ਫੋਨ ਦਾ ਫਰੇਮ ਮੁੱਖ ਤੌਰ ‘ਤੇ ਟਾਈਟੇਨੀਅਮ ਨਾਲ ਤਿਆਰ ਕੀਤਾ ਗਿਆ ਹੈ, ਜਿਸ ਨੂੰ ਅੰਦਰੂਨੀ ਸਿਰੈਮਿਕ ਫਾਈਬਰ ਨਾਲ ਹੋਰ ਮਜ਼ਬੂਤ ਕੀਤਾ ਗਿਆ ਹੈ
ਪਿਛਲੇ ਹਿੱਸੇ ‘ਤੇ ਮਜ਼ਬੂਤ Ceramic Shield ਗਲਾਸ ਅਤੇ ਫਰੰਟ ‘ਤੇ Ceramic Shield 2 ਦਿੱਤਾ ਗਿਆ ਹੈ। ਕੰਪਨੀ ਨੇ ਡਿਵਾਈਸ ਨੂੰ IP68 ਰੇਟਿੰਗ ਵੀ ਦਿੱਤੀ ਹੈ, ਜਿਸ ਨਾਲ ਧੂੜ ਅਤੇ ਪਾਣੀ ਤੋਂ ਸੁਰੱਖਿਆ ਮਿਲਣ ਦਾ ਦਾਅਵਾ ਕੀਤਾ ਗਿਆ ਹੈ
ਸਿਰਫ਼ ਦੋ ਰੰਗਾਂ ਵਿੱਚ ਆਵੇਗਾ Duo
ਸ਼ੁਰੂਆਤੀ ਤੌਰ ‘ਤੇ Apple iPhone Duo ਨੂੰ ਦੋ ਰੰਗਾਂ ਵਿੱਚ ਪੇਸ਼ ਕਰ ਰਿਹਾ ਹੈ। ਇਨ੍ਹਾਂ ਵਿੱਚ Star White ਅਤੇ ਗੂੜ੍ਹਾ ਨੀਲਾ Night Sky ਕਲਰ ਸ਼ਾਮਲ ਹਨ।
iPhone Duo ਦੇ ਨਾਲ Apple ਨੇ ਫੋਲਡੇਬਲ ਸਮਾਰਟਫੋਨ ਸੈਗਮੈਂਟ ਵਿੱਚ ਆਪਣੀ ਐਂਟਰੀ ਦਰਜ ਕਰਵਾ ਦਿੱਤੀ ਹੈ। ਹੁਣ ਦੇਖਣਾ ਹੋਵੇਗਾ ਕਿ ਕੰਪਨੀ ਦਾ ਇਹ ਨਵਾਂ ਡਿਜ਼ਾਈਨ ਅਤੇ ਪ੍ਰੀਮੀਅਮ ਕੀਮਤ ਗਾਹਕਾਂ ਵਿਚਕਾਰ ਕਿੰਨਾ ਪ੍ਰਭਾਵ ਛੱਡਦਾ ਹੈ
#iPhoneDuo #FoldableiPhone #Apple #AppleEvent #iPhone18 #iPhone18Pro #iPhone18ProMax #FoldablePhone #AppleDuo #iPhoneLaunch #AppleLaunch #TechNews #LatestTech #SmartphoneNews #AppleNews #iPhoneNews #FoldableTech #TechUpdate #ViralNews #TrendingNews #BreakingNews #Technology #GadgetNews #iPhoneFans #AppleFans #FutureOfTech #NewiPhone #iPhoneDuoLaunch #PunjabiNews #PunjabNews
